बापू मुळीक
पुरंदर : महाविकास आघाडीचे काँग्रेस पक्षाचे अधिकृत उमेदवार आमदार संजय जगताप यांनी मंगळवार( दि. 29) रोजी आपला अर्ज दाखल केला. उमेदवारी अर्ज दाखल करताना खासदार सुप्रिया सुळे, माजी जिल्हा परिषद सदस्य सुदाम इंगळे, तालुका अध्यक्ष माणिक झेंडे व कार्यकर्ते आदी उपस्थित होते.
पुरंदर विधानसभा मतदारसंघासाठी आमदार संजय जगताप यांनी आपला उमेदवारी अर्ज दाखल करण्याआधी श्रीनाथ म्हस्कोबा, खंडोबा मंदिर, ताथेवाडीच्या देवाचे व सासवडमधील भैरवनाथ मंदिराचे दर्शन घेऊन सासवड नगरपालिका येथील सर्व पुतळ्यांना हार अर्पण करून नगरपालिकेपासून ते सासवड मधील चौकातून भव्य अशी रॅली काढण्यात आली होती.
आमदार संजय जगताप यांचा फॉर्म भरण्यासाठी आलेले नागरिक व महिला यांची मोठ्या प्रमाणात गर्दी होती. त्याठिकाणी काँग्रेस पक्षाचे उमेदवार संजय जगताप यांचे स्वागत करण्यात आले. यानंतर कन्हया चौक येथे सभा पार पडली.
