लोणी काळभोर, ता. 30: जिल्हा परिषद पंचायत समितीच्या तोफा थंडावल्या आहेत. केंद्रात आणि राज्यात भाजपचे भक्कम सरकार आहे. प्रचारादरम्यान, भाजप सरकार जिल्हा परिषद गट आणि पंचायत समितीच्या पातळीवरही जनतेच्या अपेक्षा पूर्ण करणार असल्याची भावना जनतेत दुसून आली. त्यामुळे लोणी काळभोर जिल्हा परिषद गटात भाजपचाच विजय निश्चित असून तीनही उमेदवार चांगल्या मताधिक्क्याने निवडून येणार असल्याचे मत ‘पुणे प्राईम न्यूज’शी बोलताना सनी उर्फ युगंधर काळभोर यांनी व्यक्त केले. (Yugandhar Kalbhor)
‘पुणे प्राईम न्यूज’शी बोलताना सनी उर्फ युगंधर काळभोर म्हणाले, “निवडणुकीच्या अनुषंगाने प्रचारासाठी जनतेत फिरत असताना केंद्रात आणि राज्यात भाजपचे सरकार असून स्थानिक पातळीवरचे प्रश्न सोडवण्यासाठी आपण भाजपच्या बाजूने कौल दिला पाहिजे अशी भावना जनतेची आहे. भाजपचे लोणी काळभोर जिल्हा परिषद गट आणि पंचायत समितीच्या तीनही उमेदवारांना निवडून द्यायचे असे जनमत आहे”.
पुढे ते म्हणाले, “गटातील गावांमधील रस्ते, वीज, पाणी यासारख्या समस्या सोडवल्या आहेत. यामुळे जनतेत आनंदाची भावना आहे. त्यामुळेच जनता अशी म्हणत आहे की, तीनही उमेदवार आपण निवडून दिले तर आपल्या परिसरातले प्रलंबित कामे, विकास भाजपच्या माध्यमातून पूर्ण होईल अशी भावना लोकांमध्ये आहे. “केंद्र व राज्य सरकारने राबविलेल्या लोकाभिमुख, विकासाभिमुख आणि कल्याणकारी योजनांमुळे भाजपला जनतेचा अभूतपूर्व प्रतिसाद मिळाल्याचे प्रचारादरम्यान दिसून आले. त्यामुळे लोणी काळभोर जिल्हा परिषद गट, कदमवाकवस्ती व लोणी काळभोर पंचायत समिती गणात भाजपचा विजय निश्चित आहे. असा ठाम विश्वास हवेली पंचायत समितीचे माजी उपसभापती सनी उर्फ युगंधर काळभोर यांनी व्यक्त केला.
दरम्यान, स्थानिक पातळीवर रस्ते, ड्रेनेज, पाणीपुरवठा, आरोग्य केंद्रे, शाळा आणि शेतकऱ्यांच्या प्रश्नांवर भाजप उमेदवारांनी ठोस व कृतीशील आराखडा मांडला आहे. “फक्त आश्वासन नव्हे, तर प्रत्यक्ष काम” हीच भाजपची ओळख असल्याचे मतदार ठामपणे सांगत आहेत.
त्यामुळे लोणी काळभोर, कदमवाकवस्ती आणि लोणी काळभोर पंचायत समिती गणातून भाजपचे तीनही अधिकृत उमेदवार येणाऱ्या 9 तारखेला चांगल्या मताधिक्क्याने निवडून येतील. अशी जनभावना प्रचारादरम्यान दिसून आली. असे सनी काळभोर यांनी म्हटले आहे.
