Pune News : पुणे ग्रँड चॅलेंज 2026’ची तयारी सुरू झाली आहे. दरम्यान, पुणे महानगरपालिका आणि वाहतूक विभागाने वानवडी परिसरातल्या महत्त्वाच्या रस्त्यांचं काम सुरू केलं आहे. सोलापूर बाजार चौक ते गोळीबार चौक या रस्त्याचं आंतरराष्ट्रीय दर्जानुसार खोदकाम आणि दुरुस्ती चालू आहे. (Pune News) त्यामुळे 21 ते 30 नोव्हेंबर 2025 या दहा दिवसांसाठी हा रस्ता पूर्णपणे वाहतुकीसाठी बंद ठेवण्यात येणार आहे. वाहतूक बदल काय आहेत? PMPML बससाठी नवा मार्ग कोणते आहेत ते सविस्तर जाणून घेऊ..
वाहतूक बदल काय आहेत?
अवजड वाहनांना पूर्ण बंदी:-
या मार्गावर बस, ट्रक, टेम्पो यांसारख्या मोठ्या वाहनांना प्रवेश बंद केला आहे.
PMPML बससाठी नवा मार्ग:-
पुलगेटवरून पुणे स्टेशन किंवा स्वारगेटकडे जाणाऱ्या पीएमपी बस आता या मार्गाने जातील
पुलगेट – भैरोबा नाला चौक- वानवडी बाजार पोलिस चौकी – लुल्लानगर चौक – गंगाधाम चौक – पुढे संबंधित ठिकाण.
खासगी वाहनांसाठी पर्यायी मार्ग:-
खासगी वाहनधारकांनी भैरोबा नाला चौकातून डावीकडे वळून लुल्लानगरमार्गे पुढे प्रवास करावा. (Pune News) हा मार्ग सध्या अधिक सोयीचा ठरेल. हा तात्पुरता बदल रस्त्याचं काम वेळेत पूर्ण व्हावं आणि वाहतूक कोंडी होऊ नये म्हणून करण्यात आला आहे. नागरिकांनी या काळात वाहतूक विभागाला सहकार्य करावं, असं आवाहन करण्यात आलं आहे.
