Pune Crime: पुणे: पुण्यातील स्वारगेट परिसरात एका तरुणीचा विनयभंग करण्याचा प्रयत्न करणाऱ्या एका वृध्दाला जमावाने बेदम मारहाण केली असल्याची घटना उघडकीस आली आहे. या घटनेचा व्हिडिओ सद्या सोशल मीडियावर व्हायरल होत आहे. उपस्थित लोकांच्या जागरूकतेमुळे कोणतीही गंभीर घटना घडली नाही.
हेही वाचा- वाढदिवसाच्या अदल्यादिवशीच मृत्यूने गाठलं, पाच वर्षाच्या मुलाचा दुदैवी अंत
घटनेची तात्काळ माहिती पोलिसांना देण्यात आली. पोलीस घटनास्थळी तात्काळ दाखल झाले. उपस्थित महिलांनी सांगितले की, गेल्या २ महिन्यांपासून या भागात महिलांना छेडण्याच्या अनेक घटना घडत होत्या. आरोपी वृद्ध असल्याने सुरुवातीला त्याकडे दुर्लक्ष केले जात होते. मात्र, महिलांचा पाठलाग करणे आणि रस्त्यावर अयोग्य वागणे या घटना वाढत गेल्याने सर्वांनाच असुरक्षित वाटू लागले.शुक्रवारी संध्याकाळी परिस्थिती अधिक गंभीर झाली. शाळेत जाणाऱ्या एका अल्पवयीन मुलीचा स्कर्ट उचलण्याचा आरोपीने प्रयत्न केला. पीडितेच्या आईने सांगितले की, “हा व्यक्ती गेल्या काही दिवसांपासून माझ्या मुलीच्या मागे लागत होता. आज त्याने तिचा स्कर्ट उचलण्याचा प्रयत्न केला.
घटनेनंतर पुणे पोलिसांनी घटनास्थळी धाव घेत आरोपीला ताब्यात घेतले असून प्रकरणाचा तपास सुरू आहे. पोलिसांनी स्थानिक नागरिकांकडून व्हायरल व्हिडिओ आणि साक्षीदारांची माहिती घेतली आहे.
