पुणे: पुण्याच्या चंदननगर परिसरातील (Pune Crime) बोराटे वस्तीमध्ये एका 7 वर्षांच्या चिमुकलीचा (Pune News) विनयभंग केल्याची धक्कादायक घटना (Breaking News) समोर आली आहे. स्वतःच्या घरी क्लाससाठी आलेल्या मुलीचा विनयभंग करणाऱ्या 40 वर्षीय व्यक्तीवर चंदननगर पोलीस ठाण्यात गुन्हा दाखल करण्यात आला आहे. ही घटना 13 डिसेंबर 2025 रोजी सकाळी 9 ते 11 वाजेच्या दरम्यान घडली असून याप्रकरणी पीडित मुलीच्या आईने पोलिसात तक्रार दिली आहे. (Latest Marathi News)
मैत्रिणीला क्लाससाठी बोलावून घेतले
पोलिसांनी दिलेल्या माहितीनुसार, या प्रकरणातील आरोपीचे नाव आलिम शिकलगार असे आहे. आलिमची पत्नी घरी लहान मुलांचे खाजगी क्लास घेते. ज्यावेळी पत्नी घरी नव्हती, तेव्हा आलिमने फिर्यादी यांची मुलगी आणि तिच्या मैत्रिणीला क्लाससाठी बोलावून घेतले. मुली घरी आल्यावर त्याने हुशारीने पीडित मुलीच्या मैत्रिणीला तिच्या आजीकडे पाठवून दिले. त्यानंतर घरात एकटीच असलेल्या 7 वर्षांच्या चिमुकलीच्या डोळ्यांना त्याने गुलाबी रंगाची ओढणी बांधली. आपण फूड टेस्टिंगचा खेळ खेळूया असे सांगून त्याने तिला सफरचंद, चॉकलेट सिरप, पेरू आणि कॅडबरी चवीसाठी दिली.
अंगावरील कपडे काढण्यास सांगितले
या खेळाचा बहाणा करून त्याने मुलीच्या अंगावरील कपडे काढण्यास सांगितले. मुलीने नकार दिल्यावर त्याने तिच्या शरीराला अयोग्य पद्धतीने स्पर्श करून तिचा विनयभंग केला. या अनपेक्षित प्रकारामुळे लहान मुलगी प्रचंड घाबरली होती. भीतीपोटी तिने सुरुवातीला कोणालाही काही सांगितले नाही. मात्र, 2 दिवसांनंतर तिने धीर एकवटून आपल्या आईला घडलेला सर्व प्रकार सांगितला. मुलीचे बोलणे ऐकून पालकांना मोठा धक्का बसला आणि त्यांनी तातडीने चंदननगर पोलीस ठाणे गाठून फिर्याद दिली.
प्रकरणाचा तपास सुरु
या घटनेची गांभीर्याने दखल घेत सहाय्यक पोलीस आयुक्त प्रांजली सोनवणे आणि वरिष्ठ पोलीस निरीक्षक सीमा ढाकणे यांनी घटनास्थळाला भेट देऊन माहिती घेतली आहे. पोलिसांनी आलिम शिकलगार याच्यावर संबंधित कलमांनुसार गुन्हा दाखल केला आहे. सध्या पोलीस उपनिरीक्षक सचिन राऊत या प्रकरणाचा अधिक तपास करत आहेत. क्लास घेणाऱ्या शिक्षिकेच्या पतीनेच अशा प्रकारचे कृत्य केल्याने परिसरात संताप व्यक्त केला जात आहे.
