पुणे: आगामी पुणे महानगरपालिका (Bandu Andekar) निवडणुकीच्या पार्श्वभूमीवर कुख्यात गुंड (Andekar Gang) सूर्यकांत उर्फ बंडू आंदेकर आणि त्याच्या कुटुंबीयांनी (Vanraj Andekar) निवडणूक लढवण्याची तयारी (Pune Crime) केल्याने राजकीय वर्तुळात मोठी चर्चा सुरू झाली आहे. सूर्यकांत आंदेकर याच्यासह माजी नगरसेविका लक्ष्मी आंदेकर आणि माजी नगरसेवक वनराज आंदेकर यांच्या पत्नी सोनाली आंदेकर या देखील निवडणूक रिंगणात उतरणार असल्याची माहिती समोर आली आहे. विशेष म्हणजे आंदेकर कुटुंब ही निवडणूक थेट जेलमधून लढवणार असल्याचे स्पष्ट झाले आहे. (Latest Marathi News)
न्यायालयाची परवानगी
पुणे महानगरपालिका निवडणुकीसाठी आंदेकर कुटुंब इच्छुक असून उमेदवारी अर्ज दाखल करण्यासाठी त्यांनी न्यायालयात परवानगी मागितली होती. न्यायालयाने लक्ष्मी आंदेकर, सोनाली आंदेकर आणि सूर्यकांत आंदेकर यांना उमेदवारी अर्ज भरण्याची परवानगी दिली आहे. तसेच या प्रक्रियेदरम्यान कडक पोलीस बंदोबस्त देण्याचे आदेशही पोलिसांना देण्यात आले आहेत.
पोलीस बंदोबस्तात अर्ज भरणार
न्यायालयाच्या आदेशानुसार उमेदवारी अर्ज दाखल करताना आंदेकर कुटुंबाला पोलीस एस्कॉर्ट व्हॅन उपलब्ध करून दिली जाणार आहे. कोणताही अनुचित प्रकार घडू नये, कायदा आणि सुव्यवस्थेचा प्रश्न निर्माण होऊ नये, यासाठी अतिरिक्त पोलीस बंदोबस्त तैनात ठेवण्याचे निर्देश देण्यात आले आहेत. त्यामुळे आंदेकर कुटुंबाला निवडणूक प्रक्रियेत सहभागी होण्याचा मार्ग खुला झाला आहे.
जमीन नाकारला पण…
यापूर्वी न्यायालयाने लक्ष्मी आंदेकर आणि सोनाली आंदेकर यांना निवडणूक लढवण्याची परवानगी दिली होती. मात्र त्याचवेळी त्यांचे जामीन अर्ज फेटाळण्यात आले होते. त्यामुळे सध्या सूर्यकांत आंदेकर, लक्ष्मी आंदेकर आणि सोनाली आंदेकर हे तिघेही न्यायालयीन कोठडीत आहेत. जामीन नाकारण्यात आल्याने अडचणी वाढल्या असल्या तरी निवडणूक लढवण्याचा अधिकार कायम ठेवण्यात आला आहे.
जेलमधूनच प्रचार
न्यायालयाच्या परवानगीमुळे आंदेकर कुटुंब आता कारागृहातूनच निवडणूक लढवणार आहे. उमेदवारी अर्ज भरण्यासाठी त्यांना तात्पुरत्या स्वरूपात पोलीस बंदोबस्तात जेलमधून बाहेर आणले जाणार आहे. आंदेकर कुटुंबाच्या या निर्णयामुळे पुण्यातील राजकारणात चर्चांना उधाण आले असून, मतदारांचा प्रतिसाद काय असणार याकडे सर्वांचे लक्ष लागले आहे.
