Pune -पुणे : मार्केट यार्डातील गेट क्रमांक तीनजवळ झाकण नसलेल्या चेंबरमध्ये अडकलेल्या वासराची अग्निशमन दलाच्या जवानांनी आज रविवारी (१६) सुखरूप सुटका केली.
मार्केट यार्डातील गेट क्रमांक तीनजवळील घटना
मार्केट यार्डातील गेट क्रमांक तीनजवळ एका चेंबरमध्ये वासरु पडले होते. वासरू पडल्यामुळे काही वेळ अडकून पडले होते. स्थानिक व्यापाऱ्यांनी या घटनेची माहिती तातडीने अग्निशामक दलाला दिली. त्यानंतर अग्निशमन दलाचे वाहनचालक शरद गोडसे, जवान संभाजी अवताडे, सुरज कारले, तुषार जानकर, हर्षद येवले घटनास्थळी दाखल झाले. त्यांनी दोरीच्या साह्याने वासराची पंधरा मिनिटांत सुखरुप सुटका केली.
दरम्यान, पुणे शहरामध्ये अनेक धोकादायक चेंबर झालेली आहेत. या चेबरमध्ये यापूर्वी अनेकदा जनावरे आणि व्यक्ती पडून अपघात झाल्याच्या घटना अनेकदा घडलेल्या आहेत. त्यामुळे पावसाळ्यापूर्वी सर्व चेंबरची दुरुस्ती करण्यात यावी, अशी मागणी नागरिकांनी पुणे महापालिकेकडे केली आहे.
अधिक बातम्या वाचण्यासाठी येथे क्लिक करा :
Pune Crime News : मार्केट यार्डातील किराणा मालाच्या दुकानाला लागली आग ; आगीमागचे कारण अस्पष्ट..!
मार्केट यार्डातील बटाटा व्यापाऱ्याला अटकपूर्व जामीन मंजूर..!
