लहू चव्हाण
पाचगणी : तायघाट (ता. महाबळेश्वर) ग्रामपंचायतीच्या सरपंचपदी प्रिया रोहित पारठे तर उपसरपंचपदी हनुमंत भिकू पारठे यांची बिनविरोध निवड झाली. या निवडीबद्दल नवनिर्वाचित सरपंच व उपसरपंचांचा ग्रामस्थांतर्फे सत्कार करण्यात आला.
तायघाट ग्रामपंचायतीच्या नुकत्याच झालेल्या निवडणुकीत सर्व जागा बिनविरोध निवडून आल्या. सरपंच व उपसरपंच निवडीसाठी विशेष सभा ग्रामपंचायत कार्यालयात बोलावण्यात आली होती. यामध्ये सरपंचपदासाठी प्रिया पारठे यांचा एकच अर्ज व उपसरपंचपदासाठी हनुमंत पारठे यांचाही एक अर्ज दाखल झाल्याने या निवडी बिनविरोध पार पडल्या.
अध्यासी निवडणूक निर्णय अधिकारी तथा सहाय्यक निबंधक म्हणून अनुराधा पंडित यांनी काम पाहिले. त्यांना ग्रामसेवक निनाद पवार यांनी सहकार्य केले. या वेळी नवनिर्वाचित सदस्य ज्ञानेश्वर पारठे, अनिल पारठे, शोभा वाडकर, मयुरी पारठे, आशा पारठे, प्रतीक्षा कांबळे व पाचगणी ग्रामस्थ, नगरपरिषदेचे माजी उपनगराध्यक्ष लक्ष्मण पारठे, रेन फॉरेस्ट हॉटेलचे मालक राजेंद्र पारठे, लक्ष्मण भिलारे, राजेश पारठे, रामचंद्र पारठे, आनंदा पारठे, बबन पारठे, विजय भिलारे, मनोज पारठे, विकास पारठे, उदय पारठे, संजय पारठे, संभाजी भिलारे, राजेश पारठे, तुकाराम वाडकर, सुरेश कासूर्डे, रवींद्र पारठे आदींसह ग्रामस्थ उपस्थित होते.
नवनिर्वाचित सरपंच व उपसरपंचांचे अभिनंदन आमदार मकरंद आबा पाटील, सातारा जिल्हा मध्यवर्ती सहकारी बँकेचे संचालक राजेंद्र शेठ राजपुरे, समन्वय समितीचे माजी अध्यक्ष प्रवीण भिलारे, माजी सभापती रूपालीताई राजपुरे, स्ट्रॉबेरी ग्रोवर्स असोसिएशनचे अध्यक्ष नितीन दादा भिलारे, जावळी सहकारी बँकेचे संचालक अजित कळंबे, बाजार समितीचे संचालक गुलाब गोळे, राजेंद्र भिलारे तसेच राजकीय व सामाजिक क्षेत्रातील मान्यवरांनी अभिनंदन केले.
