लोणी काळभोर : विद्यार्थ्यांचे अंतरंग आणि बाह्याअंग विकसित करून त्यांची शैक्षणिक गुणवत्ता वाढविण्यासाठी लोणी काळभोर (ता. हवेली) येथील पृथ्वीराज कपूर मेमोरीअल हायस्कूल AND ज्युनिअर कॉलेजमध्ये ‘शिक्षण सप्ताह’ मोठ्या उत्साहात सुरु आहे. विद्यार्थी या उपक्रमात मोठ्या संख्येने सहभागी होत आहेत. अशी माहिती विद्यालयाचे प्राचार्य सीताराम गवळी यांनी दिली आहे.
महाराष्ट्र शासन शिक्षण विभाग यांच्यावतीने 22 जून 2024 ते 28 जून 2024 या कालावधीत राज्यात “शिक्षण सप्ताह” आयोजित करण्यात आलेला आहे. त्याअनुषंगाने पृथ्वीराज कपूर मेमोरियल हायस्कूलमध्ये प्रत्येक दिवसाचे नियोजन करून विद्यार्थ्यांच्या सर्वांगीण विकासासाठी विविध उपक्रमांचे आयोजन करण्यात आले आहे.
यामध्ये अध्ययन अध्यापन साहित्य दिवस, संख्याज्ञान व साक्षरता दिवस, क्रीडा, सांस्कृतिक, कौशल्य डिजिटल दिवस, इको क्लब उपक्रमाचा समावेश आहे.
दरम्यान, विविध नाविन्यपूर्ण शैक्षणिक साहित्य, भिंती पत्रके, चित्रे, भावल्या, मातीकाम, गणिती परिपाठ, कोडी, संख्याज्ञान, प्रदूषण संवर्धन, वृक्षारोपण संवर्धन व त्याचे महत्त्व, घोषवाक्य, विविध देशी खेळ, सांस्कृतिक कार्यक्रम, शिक्षक विद्यार्थी कथाकथन, वाचन, प्रभात फेरी, सामुदायिक सहभाग इत्यादी आनंददायी उपक्रम शिक्षण महोत्सव सप्ताहात राबवण्यात येणार आहेत. या शिक्षण सप्ताहामुळे विद्यालयातील शैक्षणिक वातावरण उत्साहवर्धक व आनंददायी बनले आहे. असे प्राचार्य गवळी यांनी सांगितले आहे.
