लोणी काळभोर : अज्ञात कारणाने एका 4० वर्षीय व्यक्तीने राहत्या घरातच ओढणीच्या सहाय्याने गळफास घेऊन आत्महत्या केल्याची धक्कादायक घटना लोणी काळभोर (ता. हवेली) येथील नेहरू चौकाच्या परिसरात घडली आहे. हि घटना सोमवारी (ता.3) रात्री साडे दहा वाजण्याच्या सुमारास उघडकीस आली आहे.
प्रदीप वासुदेव जाधव (वय-40, रा. लोणी काळभोर, ता. हवेली) असे आत्महत्या केलेल्याचे नाव आहे.
मिळालेल्या माहितीनुसार, प्रदीप जाधव हे आपल्या कुटुंबासोबत नेहरू चौकाच्या परिसरात असलेल्या एका इमारतीच्या तिसऱ्या मजल्यावरील फ्लॅटमध्ये राहत होते. दरम्यान, प्रदीप जाधव यांच्या शेजाऱ्यांना प्रदीप जाधव हे घरातील फ्लॅटमध्ये ओढणीच्या सहाय्याने गळफास घेऊन आत्महत्या केलेल्या अवस्थेत आढळून आहे. यानंतर शेजाऱ्यांनी या घटनेची माहिती लोणी काळभोर पोलिसांना तत्काळ दिली.
या घटनेची माहिती मिळताच, लोणी काळभोर पोलीस तातडीने घटनास्थळी दाखल झाले, पोलिसांनी नागरिकांच्या मदतीने प्रदीप जाधव यांचा मृतदेह खाली उतरविला. रुग्णवाहिकेच्या माध्यमातून त्यांचा मृतदेह शवविच्छेदनासाठी ससून रुग्णालयात पाठवण्यात आलेला आहे. दरम्यान प्रदीप जाधव यांनी आत्महत्या का केली? याचे कारण अद्याप स्पष्ट झाले नसले तरी पुढील तपास लोणी काळभोर पोलीस ठाण्याचे पोलीस हवालदार तेजस जगदाळे करीत आहेत.
