पुणे : पुण्यात पीएमपी बसचालकाला पोलिसाने बेदम मारहाण केल्याची धक्कादायक घटना समोर आली आहे. या घटनेचा व्हिडिओ सध्या तुफान व्हायरल होत आहे. हि घटना आज रविवार (दि. 21) जुलै ला घडली आहे.
View this post on Instagram
नेमकं काय घडलं?
व्हायरल व्हिडीओमध्ये दिसत आहे की, एका पोलिस कर्मचाऱ्याने डोक्यात हेल्मेट घातलेलं दिसत आहे. पोलीस पीएमपी ड्रायव्हरला मारहाण करत आहे. यावेळी पीएमपी चालक जोर जोराने ओरडत असून मला का मारतो? अडचण काय, तु मला मारु नको, तुला काय झालयं, मी तुला शिवीगाळ केली आहे का. तुझा प्रॉब्लेम काय, तुला मारलं का मी, शिवीगाळ केली का… माझी गाडी सरळ आहे. असं बोलत आहे. मात्र, पोलीस त्या पीएमपी चालकाचे गचुर धरून मारहाण करत आहे.
या व्हिडिओमध्ये पोलिसाचा गणवेश घातलेला व्यक्ती दिसत असून गाडीवर पोलिस लिहिलेले स्पष्ट दिसत आहे. तसेच पीएमपीला दुचाकी आडवी लावुन पीएमपी बसमध्ये आत येवून मारहाण करण्यात येत आहे. गाडी नंबर MH12 FZ 8243 मार्ग क्रमांक – C- 302 आहे.
या घटनेचा व्हिडिओ दोन पीएमपी वाहक आणि चालकांनी मोबाईल कॅमेरात कैद केला आहे. या प्रकारामुळे प्रवाशांच्या जिवाचा थरकाप उडाला आहे. हा प्रकार कुठे घडला आहे, याबद्दल अद्याप समजले नाही.
