Pimpri News : पिंपरी-चिंचवड : पिंपरी-चिंचवड शहरामध्ये गुन्हेगारी प्रवृत्ती वाढीस लागल्याचे गेल्या दोन महिन्यांत घडलेल्या अनेक घटनांवरून स्पष्ट झाले आहे. मात्र, आज घडलेली घटना सर्वसामान्यांसह पोलिसांना देखील चक्रावून टाकणारी आहे. एका मित्राने रक्त पिण्याची इच्छा व्यक्त करत दुसऱ्या मित्राच्या गळ्याचा कडाडून चावा घेतला. तर दुसऱ्या मित्राने माझं रक्त पिणार का, असे म्हणून त्याची दगडाने ठेचून हत्या केली. या खळबळजनक प्रकारामुळे परिसरातून संतप्त प्रतिक्रीया व्यक्त करण्यात येत आहेत.
भोसरी परिसरातील घटना
या प्रकरणी भोसरी एमआयडीसी पोलिसांनी दिलेल्या अधिक माहितीनुसार, या घटनेतील आरोपी राहुल लोहार याला अटक करण्यात आली आहे. (Pimpri News ) इस्ताक खान असे हत्या झालेल्या तरुणाचे नाव असून, त्याने राहुल लोहार याच्याकडे रक्त पिण्याची इच्छा व्यक्त केली होती. या इच्छेतून त्याने राहुलच्या गळ्याचा चावा घेतला. दरम्यान, रक्त पिण्यासाठी गळ्याचा चावा घेतल्याचा राग राहुलच्या मनात होता. याच रागातून राहुलने इस्ताक खान याची हत्या केली.
ही घटना घडली त्यावेळी दोन्ही मित्र मद्यपान करत होते. मद्यधुंद अवस्थेतच एका मित्राने दुसऱ्या मित्राकडे रक्त पिण्याची इच्छा व्यक्त केल्याचे सांगण्यात येत आहे. (Pimpri News ) रक्त पिण्यासाठी मृत इस्ताक खान याने राहुलच्या गळ्याचा कडाडून चावा घेतला आणि रक्त पिण्याचा प्रयत्न देखील केला. या कारणावरून दोघांमध्ये कडाक्याचे वाद झाले. राहुलने या वादातून स्वतःची सुटका करून पळ काढला.
दरम्यान, या घटनेच्या काही तासानंतरच राहुल इस्ताक खानकडे आला. तू माझे रक्त पिणार का? मी तुला जिवंत सोडणार नाही, असं म्हणून दगडाने ठेचून इस्ताक खान याची हत्या केली. (Pimpri News ) या घटनेत भोसरी एमआयडीसी पोलिसांनी आरोपी राहुल लोहार याला अटक केली आहे.
पोलिसांनी दिलेल्या माहितीनुसार, राहुल आणि इस्ताक खान हे दोघेही सराईत गुन्हेगार आहेत. या घटनेचा अधिक तपास सहाय्यक पोलीस निरीक्षक सोमनाथ पांचाळ करत आहेत.
अधिक बातम्या वाचण्यासाठी येथे क्लिक करा :
Pimpri News : पिंपरी परिसरातून दुचाकी चोरणारी जळगावातील टोळी जेरबंद ; पाच लाखांच्या दहा दुचाकी जप्त
Pimpri News : संतापजनक! एकतर्फी प्रेमातून तरुणीवर ब्लेडने वार; पिंपरी चिंचवड परिसरातील घटना…!
