Pimpri News : पिंपरी चिंचवड : काळेवाडी येथील मैदानावर दोन मित्र मद्यपान करण्यासाठी बसले होते. मद्यपान करत असताना एकाने पत्नीबाबत अपशब्द वापरले. याचा राग अनावर झाल्याने मित्राला नाशिक फाटा येथील पुलावरून ढकलून देऊन, त्याची हत्या केल्याची खळबळजनक घटना नुकतीच उघडकीस आली आहे. या घटनेमुळे पिंपरी-चिंचवड शहरात एकच खळबळ उडाली आहे. वाकड पोलिसांनी दोघांना अटक केली आहे.
वाकड पोलिसांनी केली दोघांना अटक
या घटनेबाबत मिळालेल्या अधिक माहितीनुसार, दिनेश दशरथ कांबळे असे हत्या झालेल्या तरुणाचे नाव आहे. याच्या खूनाच्या गुन्ह्यात सिद्धांत रतन पाचपिंडे आणि प्रतीक रमेश सरवदे अशी अटक आरोपींची नावे आहेत. दिनेश हा गेल्या सहा महिन्यांपासून बेपत्ता होता.(Pimpri News) त्याची आई माया दशरथ कांबळे हिने वाकड पोलीस ठाण्यात बेपत्ता असल्याची तक्रार दिली होती. त्यानंतर या हत्येचे गूढ उलगडले आहे.
पोलिसांनी दिलेल्या माहितीनुसार, दिनेश अनेकदा घरातून निघून जात असे. दहा ते पंधरा दिवस तो घरी परतत नसे. या वेळी वडिलांची सोन्याची चैन घेऊन तो घरातून गेल्यामुळे त्याची आई संतप्त झाली होती. तो परत येईल या आशेने आई-वडिलांनी तो बेपत्ता झाल्याची तक्रार दिली. (Pimpri News) वाकड पोलिसांनी तपास सुरू केल्यानंतर हळूहळू या घटनेचाच उलगडा झाला.
दिनेश याच्या मित्राकडे चौकशी केली असता, दिनेश १५ मार्च २०२३ मध्ये आरोपी मित्र सिद्धांत आणि प्रतीक यांच्यासोबत काळेवाडी येथील मैदानावर मद्यपान करण्यासाठी बसले होते. दिनेशने नशेमध्ये प्रतीक याच्या पत्नीबद्दल अश्लील भाषा वापरली. याच रागातून दिनेशच्या डोक्यात सिमेंटचा गट्टू घालून जखमी केले. यानंतर जखमी झालेल्या दिनेशला दोघांनी मोपेड दुचाकीवरून पुणे-मुंबई जुन्या महामार्गावरील नाशिक फाटा येथे आणून पुलावरून थेट पुणे-मुंबई जुन्या महामार्गावर फेकून दिले. (Pimpri News) अनेक वाहने त्याच्या अंगावरून गेली, अशी माहिती पोलिसांनी दिली. यातच त्याचा जागीच मृत्यू झाला. सहा महिन्यांनी आरोपींचा शोध लावण्यात पोलिसांना यश आले.
अधिक बातम्या वाचण्यासाठी येथे क्लिक करा :
Pimpri News : वाल्हेकरवाडीत ऑटोमोबाईल स्पेअर पार्ट बनवणाऱ्या कंपनीला भीषण आग ; एक कोटीचे नुकसान..
Pimpri News : पिंपरी-चिंचवडमधील विकी मल टोळीवर ‘मोक्का’
