पिंपरी(पुणे) : शिवसेना (शिंदे गट) पक्षाचा शिवसंकल्प अभियान मेळावा मुकाई चौक, किवळे येथे शनिवारी ६ जानेवारीला होत आहे. या मेळाव्यासाठी मुख्यमंत्री एकनाथ शिंदे यांच्यासह इतरही अनेक नेते उपस्थित राहणार आहेत. याच पार्श्वभूमीवर देहूरोड, किवळे आणि परिसरातील वाहतुकीत बदल करण्यात आला आहे. याबाबत पोलिस उपायुक्त बापू बांगर यांनी आदेश दिले आहेत.
वाहतुकीतील हा बदल शनिवारी सकाळी नऊ ते रात्री बारापर्यंत असणार आहे. यामधून कार्यक्रमासाठी येणाऱ्या वाहनांसह पोलिस, रुग्णवाहिका, अग्निशमन विभाग, पेट्रोल, डिझेल टैंकर, पीएमपी बसेस, स्कुल बस आदी वाहने वगळण्यात आली आहेत. तरी नागरिकांनी पर्यायी मार्गांचा वापर करावा, असे आवाहन वाहतूक शाखेचे पोलिस उपायुक्त बापू बांगर यांनी केले आहे.
असे आहेत बदल ?
- मुकाई चौक ते आदर्शनगर हा रस्ता सर्व प्रकारच्या वाहनांसाठी बंद राहील (कार्यक्रमासाठी येणारी वाहने वगळून). पर्यायी मार्ग पुणे बाजूकडून आदर्शनगर येथे जाणाऱ्या वाहनांनी देहूरोड बाजार येथून विकासनगर मार्गे जावे.
- शिंदे पेट्रोलपंपाकडून मुकाई चौकाकडे जाणारा मार्ग सर्व प्रकारच्या वाहनांसाठी बंद राहील. (कार्यक्रमासाठी येणारी वाहने वगळून)
- पर्यायी मार्ग – मुंबईकडून येणारी वाहने एच. पी. पेट्रोलपंप येथून डाव्या बाजूस सर्व्हिस रोडने जावे.
- समिर लॉन्स अंडरपास येथून डाव्या बाजूने वळून रावेत गावठाण मार्गे इच्छित स्थळी जातील.
- मुंबई एक्सप्रेस वे वरुन किवळे चौकात रावेत एक्झीटमधून येणाऱ्या सर्व वाहनांना प्रवेश बंद (कार्यक्रमासाठी येणारी वाहने सर्व वाहनांसाठी बंद राहील (कार्यक्रमासाठी येणारी वाहने वगळून)
- पर्यायी मार्ग मुंबईकडून येणारी वाहने एच. पी. पेट्रोलपंप येथून डाव्या बाजूस सर्विस रोडने समिर लॉन्स अंडरपास येथून डाव्या बाजूने वळून रावेत गावठाण मार्गे इच्छित स्थळी जातील.
- पुणेकडून मुंबईकडे जाणारी वाहने समिर लॉन्स साईडने कृष्णा हॉटेल चौकाकडे जाण्यास सर्व वाहनांना बंदी राहील (कार्यक्रमासाठी येणारी वाहने वगळून) पर्यायी मार्ग- एक्सप्रेस हायवे ने मुंबईकडे जाता येईल.
- किवळे बस स्टैंड ते विठ्ठल हॉटेल पंक्चरकडे जाणारा साईड रोड पर्यायी मार्ग – मुंबईकडून येणारी वाहने एच पी पेट्रोलपंप येथून डाव्या बाजूस सर्विस रोडने समिर लॉन्स अंडरपास येथून डाव्या बाजूने वळून रावेत गावठाण मार्गे इच्छित स्थळी जातील.
- मावळा पुतळा ते विठ्ठल हॉटेल पंक्चर व कृष्णा चौक हॉटेल सेंटोसा पंक्चर सर्व प्रकारच्या वाहनांसाठी बंद राहील. (कार्यक्रमासाठी येणारी वाहने वगळून) किवळे गावाकडून येणारी सर्व प्रकारची वाहने कृष्णा हॉटेल चौकाकडे न येता समिर लॉन्स अंडरपास मार्ग इच्छित स्थळी जातील.
