Pune News : पुणे : पुण्यात गुन्हेगारीच्या घटनांमध्ये वाढ होताना दिसत आहेत. वाढती गुन्हेगारी रोखणे पोलिसांसमोर आव्हान असतानाच आता सिंहगड रोड परिसरात एक धक्कादायक घटना घडली. एका निवृत्त पोलिसाच्या मुलाची कोयत्याने वार करत हत्या करण्यात आली. ही घटना शुक्रवारी (दि.२९) सायंकाळच्या सुमारास सिंहगड रोड पोलिस स्टेशनच्या हद्दीत घडली.
विजय ढुमे असे खून झालेल्या निवृत्त पोलीस अधिकाऱ्याच्या मुलाचे नाव आहे. विजय हा सेवानिवृत्त पोलिसाचा मुलगा असून, त्याचे अनेक बड्या पोलिस अधिकार्यांशी मैत्रीचे संबंध होते. याशिवाय, त्याचे अनेक राजकारण्यांशीही चांगले संबंध होते. राज्यातील अनेक बड्या लोकांशी त्याची ओळख होती. मात्र, हॉटेल वादातून त्याच्यावर काही वर्षांपूर्वी पिंपरीत एक गुन्हा दाखल झाला होता. त्यानंतर आज त्याच्यावर ४ ते ५ जणांच्या टोळक्यांनी वार करत तरुणाची हत्या केली.
विजय ढुमे ढुमेवाडीचा रहिवासी..
सासवड येथील ढुमेवाडीचा विजय ढुमे हा मूळचा रहिवासी होता. त्याचे अनेक बड्या लोकांशी संबंध होते. हॉटेल व्यवसाय, बांधकाम क्षेत्र आणि राजकीय लोकांशी संबंधित होता. त्याचे वडील पुणे पोलीस दलात कार्यरत होते.
