Pune Crime News | पिंपरी : डिजिटल युगात नवनवीन अ‍ॅप मोबाईलमध्ये येत आहेत. त्याची तरुणाईला भुरळ पडत आहे. त्याच्या आहारी गेल्याने अनेक घटना देखील घडल्या आहेत. अशाच एक अ‍ॅपवरील ओळख आयटी इंजिनिअर तरुणीला चांगलीच महागात पडली आहे.
टिंडर डेटिंग या ॲपवरून झालेल्या ओळखीतून प्रेमसंबंध निर्माण झालेल्या इंजिनिअर तरुणीवर अत्याचार, शिवीगाळ करत मारहाण करून तिचा डोळा फोडल्याची घटना समोर आली आहे. तसेच तिच्या गळ्याला चाकू लावून तिच्या घरच्यांकडे पैशांची मागणी केली. पैसे दिले नाही तर जीवे मारण्याची धमकी देत तिला घरात डांबून ठेवले. हा धक्कादायक प्रकार समोर आल्याने खळबळ उडाली आहे.
हा प्रकार २२ ऑक्टोबर २०२२ ते रविवार २ एप्रिल २०२३ पर्यंत लक्ष्मी चौक हिंजवडीत घडला…
याबाबत इंजिनिअर तरुणीने हिंजवडी पोलीस ठाण्यात तक्रार दाखल केली आहे. त्यानुसार पोलिसांनी तेजस किरण सौदणकर वय (२४, रा.बी ३०६, मंत्राईसेन्स सोसायटी उंड्री पिसोळी लिंक रोड, पुणे) याच्या विरोधात गुन्हा दाखल केला आहे.
पोलीसांनी दिलेल्या माहितीनुसार, फिर्यादी तरुणी मूळची बिहारची असून २०१७ पासून पुण्यात राहत आहे. ती हिंजवडी आयटीमध्ये इंजिनिअर आहे. आरोपी आणि फिर्यादी तरुणीची टिंडर डेटिंग ॲपवरून ऑक्टोबर २०२२ मध्ये ओळख झाली होती. दोघांची पहिल्यांदा मैत्री झाले. मैत्रीचे रुपांतर प्रेमसंबंधात झाले. तरुणी लग्नास होकार देत नसल्याने आरोपी तिला त्याच्या सदनिकेवर घेऊन अत्याचार करत होता.
प्रियकर तेजस याचे आणखी एका दुसऱ्या मुलीसोबत प्रेमसंबंध असल्याचा फिर्यादीला जानेवारी महिन्यात संशय आला. त्यातून त्यांच्यात वाद निर्माण झाला. आरोपी तेजसने फिर्यादी अभियंता तरुणीला मारहाण केली. तिचा डोळा फोडला. तिच्या डोक्याला मारहाण झाली आहे. फिर्यादिला सतत मारहाण केली जात होती.
शिवीगाळ करत तरुणीच्या गळ्याला चाकू लावला. तिच्या घरच्यांकडे पैशांची मागणी केली, पैसे दिले नाही तर जीवे मारण्याची धमकी दिली आणि त्याच्या घरात तिला डांबून ठेवल्याचे फिर्यादीत म्हटले आहे. हिंजवडी पोलीस तपास करत आहेत.
अधिक बातम्या वाचण्यासाठी येथे क्लिक करा….!
Pune | हडपसर-वाघोली महापालिका होणार ?? राज्य शासनाने पावले उचलली
Pune Crime | कोयता गँगची दहशत ; अल्पवयीन मुलांनी केला एकावर कोयत्याने वार
Pune Crime : मोबाइल हिसकावून पसार झालेल्या चोरट्याला चंदननगर पोलिसांनी पकडले
