Pimpri News : पिंपरी-चिंचवड : 9 वर्षीय अल्पवयीन मुलीशी शेजारी राहणाऱ्या 62 वर्षीय वृध्दाने गैरवर्तन करत तिचे लैंगिक शोषण केल्याचा प्रकार उघडकीस आला आहे. त्यानंतर वृद्धाच्या मुलाने पीडीत मुलीच्या पालकांना शिवीगाळ करत मारहाण केली. हा धक्कादायक प्रकार पिंपरी-चिंचवड मधील दिघी येथे घडला. 23 डिसेंबर 2022 ते 23 जून 2023 या कालावधीत हा प्रकार घडला.
याप्रकऱणी पीडीत मुलीच्या आईने शनिवारी (दि.24) दिघी पोलीस ठाण्यात तक्रार दिली आहे. त्यावरून पोलीसांनी झुंबर शेखरे (वय अंदाजे 62) याच्यावर पोक्सो अंतर्गत गुन्हा दाखल केला आहे.
दिघीतील प्रकार
मिळालेल्या माहितीनुसार, आरोपी व पीडीत मुलगी एकमेकांचे शेजारी आहेत. (Pimpri News : ) तक्रारदार महिला कामाला बाहेर गेल्या असता त्यांची 9 वर्षाची मुलगी घराबाहेर खेळत होती. यावेळी आरोपीने त्याच्या नाती करवी पीडित मुलीला अभ्यासाचा बहाणा करत बोलावून घेतले. ती घरी आली असता तिला किचन मध्ये नेत त्याने गैरवर्तन केले.
दरम्यान, मुलीने हा सर्व प्रकार संध्याकाळी पालकांना सांगितला. याचा जाब विचारण्यास तक्रारदार व त्यांचे पती गेले असता आरोपीने पाय पकडत माफी मागितली तसेच पोलीस-कचेरी नको म्हणून तक्रारदार यांनी तक्रार दिली नाही. मात्र 23 जून 2023 रोजी तक्रारदार यांच्या लहान मुलीची वस्तू खाली पडली म्हणून तक्रारदार पती व त्यांची लहान मुलही हे खाली गेले असता आरोपीच्या पत्नीने वाद घालण्यास सुरुवात केली. (Pimpri News : ) तसेच आरोपीचा मुलगा संजय शेखरे याने तक्रारदार यांच्या घरात येत त्यांच्या पतीच्या कानशीलात लगावली. तसेच आरोपीच्या पत्नीने तक्रारदार यांनाही मारहाण केली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pimpri News : हॉर्न वाजवल्याच्या रागातून एकाच्या कानशीलात भडकावली
Pimpri News : वर्क फ्रॉम होमच्या बहाण्यातून महिलेची तब्बल साडेसात लाखांची फसवणूक
Pimpri News : टेलिग्रामवरील बनावट खात्यावरून तब्बल साडेसहा लाखांना घातला गंडा
