Pimpri News : पिंपरी-चिंचवड : पिंपरी-चिंचवड मधील काळेवाडीत भांडण सोडविण्यासाठी गेलेल्या तरुणावर चॉपर, कोयत्याने वार करत जीवे मारणाचा प्रयत्न केल्याचा धक्कादायक प्रकार समोर आला आहे. हा प्रकार शुक्रवारी (दि. 9) रात्री अकरा वाजताच्या सुमारास घडला. या हल्ल्यात तरुण गंभीर जखमी झाला आहे. मित्राच्या बहिणीची छेड का काढली याचा जाब विचारत हा हल्ला करण्यात आला आहे. (Pimpri-Chinchwad: Murderous attack on a youth in Kalewadi by stabbing him with a chopper and a coyote)
भांडण सोडविण्यासाठी गेला म्हणून केला हल्ला
सुजल दीपक निकम (वय 20, रा. काळेवाडी, पुणे) असे हल्ल्यात जखमी झालेल्या तरुणाचे नाव आहे. याप्रकरणी तरुणाने वाकड पोलीस ठाण्यात तक्रार दाखल केली आहे. (Pimpri News) त्यानुसार चिन्या उर्फ प्रथमेश साळेकर, सुजल दातरे (वय 20), दीपक यादव (वय 19), दीप साळुंखे (वय 21), प्रेम दातरे (वय 22), राजेश उदमले, रित्या (पूर्ण नाव पत्ता माहिती नाही) यांच्या विरोधात गुन्हा दाखल करण्यात आला आहे.
मिळालेल्या माहितीनुसार, आरोपींनी आपसात संगनमत करून सोहम जाधव याला ‘तू दीपक यादव याच्या बहिणीची छेड का काढली’ असा जाब विचारत होते. त्यानंतर आरोपींनी सोहम याला लाथाबुक्क्यांनी मारहाण केली. हे भांडण सोडविण्यासाठी फिर्यादी गेले असता दीपक यादव याने फिर्यादीच्या मानेवर चॉपरने वार केला. (Pimpri News) तसेच प्रेम दातरे याने फिर्यादीच्या डोक्यात, गालावर कोयत्याने वार करून त्यांना गंभीर जखमी केले. चिन्या याने फिर्यादीला पट्ट्याने मारहाण केली. तर सुजल, राजेश आणि रित्या यांनी लाथाबुक्क्यांनी मारहाण केली असल्याचे फिर्यादीत म्हटले आहे. पोलिसांनी सुजल, दीपक, दीप, प्रेम या चौघांना अटक केली आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Pimpri News : पिंपरी-चिंचवडमध्ये खुनाचे सत्र सुरुच; टोळक्याकडून तरुणाचा हत्याराने भोसकून खून
Pimpri News : सांगवीत भारतीय सैन्यातील जवानाने केला सासुवर बलात्कार
