Pimpri News : पिंपरी : रात्रीच्या वेळी बंद दुकाने, मॉलवर दरोडा घालण्याच्या तयारीत असलेल्या सराईत टोळीला वाकड पोलिसांनी अटक केली. गुरुवारी रात्री थेरगाव येथे ही कारवाई करण्यात आली. या कारवाईत आरोपींकडून तीनचाकी टेम्पो, तीन लोखंडी कोयते, मिरची पावडर, दुचाकी जप्त करण्यात आली आहे.
थेरगाव येथील प्रकार
याबाबत पोलिसांनी दिलेल्या अधिक माहितीनुसार, आरोपी थेरगाव परिसरात संशयितरित्या थांबल्याची माहिती वाकड पोलिसांना मिळाली.(Pimpri News) त्यानुसार पोलिसांनी शिताफीने सापळा रचला. या सापळ्यात आरोपी अडकले. पोलिसांनी आरोपींना ताब्यात घेतले आहे. दरम्यान, एक आरोपी पळून गेला आहे.
शाम हरी गाडवे (वय २१, रा. आकुर्डी), अतिश भारत सिरसाट (वय १९, रा. लिंकरोड, चिंचवड), नवनाथ दिंगबर साठे (वय ३५, रा. थेरगाव) आणि करण उर्फ कल्ला टाक (रा. पिंपरी) अशी अटक केलेल्या आरोपींची नावे आहेत. तर, शुभम सिद्राम कांबळे (वय १९, रा. भाटनगर, पिंपरी) हा आरोपी पोलिसांच्या तावडीतून निसटला आहे.
वाकड परिसरातील बंद दुकाने, मॉल यामधील सुरक्षारक्षकांना कोयत्याचा धाक दाखवून लुटणाऱ्या या आरोपींकडून पोलिसांनी (Pimpri News) तीन लोखंडी कोयते, मिरची पावडर, तीनचाकी टेम्पो, दुचाकी जप्त केली आहे. आरोपी सराईत गुन्हेगार असून, त्यांच्यावर विविध पोलीस ठाण्यांत गुन्हे दाखल आहेत.
अधिक बातम्या वाचण्यासाठी येथे क्लिक करा :
Pimpri News : चोरी, घरफोड्या करणाऱ्या टोळीच्या पिंपरी-चिंचवड पोलिसांनी आवळल्या मुसक्या
Pimpri News : पिंपरी-चिंचवडचे पोलीस आयुक्त विनयकुमार चौबे यांना राष्ट्रपती पोलीस पदक जाहीर
