(Pimpri Chinchwad Crime) पिंपरी-चिंचवड : पिंपरी चिंचवड शहरासह परिसरात घरोफोडींच्या घटनांमध्ये दिवसागणीक वाढ होताना दिसून येत आहे. चोरींच्या या घटानांमुळे नागरिकांमध्ये दहशत निर्माण झाल्याचे चित्र पहावयास मिळत आहेत. दरम्यान अशीच एक घरफोडीची घटना एमआयडीसी भोसरी (Pimpri Chinchwad Crime) येथून उघडकीस आली आहे. चोरट्यांनी घरफोडी करत घरातून तब्बल एक लाख आठ हजार रुपयांचे दागिने लंपास केले आहेत.
एमआयडीसी भोसरी पोलीस ठाण्यात गुन्हा दाखल
याप्रकरणी 35 वर्षीय महिलेने एमआयडीसी भोसरी पोलीस ठाण्यात फिर्याद दिली आहे. त्यानुसार अज्ञात चोरट्याच्या विरोधात गुन्हा दाखल करण्यात आला आहे. ही घटना सोमवारी (ता.१३ ) सकाळी आठ ते सायंकाळी पाच वाजताच्या कालावधीत एमआयडीसी भोसरी येथे घडली आहे.
पोलिसांनी दिलेल्या माहितीनुसार, फिर्यादी महिला त्यांच्या घराला कुलूप लावून कामासाठी बाहेर गेल्या. सायंकाळी पाच वाजता त्या घरी आल्या असता त्यांच्या घराचे कुलूप तुटलेले आणि दरवाजा उघडा दिसला. त्यांनी घरात जाऊन पाहणी केली असता घरातून एक लाख आठ हजार रुपये किमतीचे 27 ग्रॅम वजनाचे सोन्याचे दागिने चोरीला गेल्याचे उघडकीस आले. पुढील तपास एमआयडीसी भोसरी पोलीस तपास करीत आहेत.
अधिक बातम्या वाचण्यासाठी येथे क्लिक करा…!
Pune News : वाहतूक नियमन सोडून वसुली करणे पडले चांगलेच महागात ; पोलीस कर्मचारी निलंबित
Pune Crime : पुण्यात भल्या सकाळी चोरट्यांनी ज्येष्ठाला लुटत पळविला रिक्षा ; चोरट्यांचा शोध सुरू..!
