पिंपरी चिंचवड : पिंपरी-चिंचवड शहरातील मोरवाडी कोर्टाजवळ असलेल्या मोकळ्या जागेत भीषण आग लागल्याची घटना घडली आहे. गेल्या एक ते दीड तासापासून ही आग धगधगत आहे. या आगीमुळे आणि आगीच्या धुरामुळे परिसरातील नागरिकांचा आरोग्य धोक्यात आल्याच चित्र दिसत आहे.
पिंपरी चिंचवड शहरातील मोरवाडी कोर्टाजवळच्या मोकड्या जागेत ज्या ठिकाणी आग लागली आहे, त्या ठिकाणापासून काही अंतरावर वेगवेगळ्या इंडस्ट्रियल कंपन्या आणि नागरिकांची घर आहेत. त्यामुळे इंडस्ट्रियल कंपन्या आपला कचरा मोरवाडी कोर्टाजवळील मोकळ्या जागेत टाकतात. त्याच इंडस्ट्रियलच्या कचऱ्याने पेठ घेतला असावा असा प्राथमिक अंदाज अग्निशमन विभागाने वर्तविला आहे.
मोकळ्या जागेतील कचऱ्याला लागलेली आग आटोक्यात आणण्यासाठी पिंपरी चिंचवड महापालिकेचे सात- आठ अग्निशमन बंब घटनास्थळी दाखल झाले असून आग आटोक्यात आणण्यासाठी अग्निशमन विभाग शर्तीचे प्रयत्न करत आहे. दरम्यान आगीमुळे धुराचे लॉट दूरवर पसरले आहेत.
