Pimpri Chinchwad News : (पुणे) : दुसऱ्या पत्नीने पतीचा शारीरिक व मानसिक छळ केला म्हणून पतीने आत्महत्या केल्याची घटना नुकतीच घडली आहे. याप्रकरणी पहिल्या पत्नीने चिंचवड पोलीस ठाण्यात तिघांविरुद्ध तक्रार दिली आहे. हा प्रकार जून २०२२ ते २५ मे २०२३ या कालावधीत चिंचवड येथील वल्हेकरवाडी येथे घडला आहे.(Pimpri Chinchwad News)
पतीने आत्महत्या केल्याची घटना नुकतीच घडली आहे.
याप्रकरणी पतीची दुसरी पत्नी तसेच आणखी एक महिला आरोपी व आदित्य राजगुरू सर्व रा. चिंचवड यांच्यावर गुन्हा दाखल करण्यात आला आहे. दयानंद अरुण रावडे (वय – ३६, रा. वल्हेकरवाडी, चिंचवड) असे मयत व्यक्तीचे नाव आहे.(Pimpri Chinchwad News)
पोलिसांनी दिलेल्या माहितीनुसार, फिर्यादी यांचे पती दयानंद रावडे यांनी एका महिलेशी दुसरा विवाह करत संसार थाटला. परंतु आरोपींनी पैशाच्या कारणावरून पतीचा वारंवार शारीरिक व मानसिक छळ केला.
दरम्यान, या छळाला कंटाळून पतीने आत्महत्या केली आहे. यावरून तिघांविरोधात चिंचवड पोलीस ठाण्यात गुन्हा दाखल करण्यात आला आहे. पोलीस पुढील तपास करत आहेत.(Pimpri Chinchwad News)
