बिबवेवाडी : पुण्यातील बिबवेवाडी परिसरात निर्घृण खून केल्याची धक्कादायक घटना घडली आहे. बिबवेवाडी परिसरातील अप्पर डेपो जवळ एका युवकाचा सोमवारी सकाळच्या वेळी डोक्यात दगड घालून खून केल्याचा प्रकार उघडकीस आला आहे. ही घटना आज २५ मार्चरोजी सकाळी ८ वाजण्याच्या सुमारास घडली.
बसवराज गजेंद्र वय (25 रा. आंबेडकर नगर, मार्केट यार्ड, गल्ली नंबर 4) असं खून झालेल्या व्यक्तीचं नाव आहे. या प्रकरणी बिबवेवाडी पोलीस ठाण्यात गुन्हा दाखल करून आरोपीला अटक करण्यात आले आहे. आतिश शिरसाट (25 रा. आंबेडकर नगर, मार्केट यार्ड) याला अटक करण्यात आलेल्या आरोपीचे आहे.
पोलिसांनी दिलेल्या माहितीनुसार, बिबवेवाडी परिसरातील अप्पर डेपो जवळ नवीन बांधकाम सुरु असणाऱ्या इमारतीचा सुरक्षा रक्षक आतिश शिरसाट आणि त्याचा मित्र बसवराज गजेंद्र यांच्यात रात्री पार्टी झाली. आज धुलीवंदनच्या दिवशी सकाळी 8 वाजण्याच्या सुमारास त्या दोघांमध्ये काही वाद झाला, वादाचे रूपांतर भांडणात झाले आणि नशेच्या धुंदीत मित्राच्या डोक्यात सुरक्षा रक्षकाने दगड घालून निर्घुण खून केला अशी प्राथमिक माहिती मिळत आहे.
या घटनेची माहिती मिळताच पोलिस घटनास्थळी दाखल झाले. आरोपीला बिबवेवाडी पोलिसांनी अटक केली असून पुढील तपास सुरु असल्याचे बिबवेवाडी पोलीस स्टेशन चे पोलीस निरीक्षक पाटणकर यांनी सांगितले. पुढील तपास सहा. पोलीस निरीक्षक प्रवीण काळूखे आणि टीम करत आहेत.
