यवत : पुणे सोलापूर राष्ट्रीय महामार्गावर असलेल्या पाटस येथील उड्डाणपुलाच्या खाली अज्ञात वाहनानी रस्त्याने चालणाऱ्या एका जेष्ठ नागरिकाला धडक दिल्याने पादचाऱ्याचा मृत्यू झाल्याची घटना घडली आहे.
याबाबत अधिक माहिती अशी की, शुक्रवारी (ता.24) रोजी पहाटे सहाच्या सुमारास दिलीप संभाजी गायकवाड (वय 55, रा. हिंगणीगाडा, ता. दौंड) हे पाटस येथील उड्डाणपूल खाली पायी चालत जात असताना पाटस कडून कुसेगावकडे जात असलेल्या एका अज्ञात वाहनाने पाठीमागून जोरदार धडक देऊन निघून गेला.
या धडकेने वडील दिलीप गायकवाड यांचा मृत्यू झाला असल्याची फिर्याद स्वप्निल गायकवाड यांनी यवत पोलीस स्टेशन येथे दिली. यावरून अज्ञात वाहन चालकाविरुद्ध यवत पोलीस स्टेशन येथे गुन्हा दाखल करण्यात आला आहे. याबाबत पुढील तपास सहाय्यक फौजदार एस. बगाडे हे करीत आहेत
