बारामती : भारत निवडणूक आयोगाकडून बारामती विधानसभा मतदारसंघासाठी निवडणूक निरीक्षक म्हणून नझीम खान यांची नियुक्ती करण्यात आल्याची माहिती निवडणूक निर्णय अधिकारी वैभव नावडकर यांनी दिली. खान यांनी बारामती तहसील कार्यालय येथील विधानसभा मतदारसंघाच्या कार्यालयात निवडणूक कामकाजासाठी स्थापन करण्यात आलेल्या विविध कक्षांना भेट दिली.
निवडणूक निर्णय अधिकारी कार्यालयातील नामनिर्देशन प्रक्रियेअंतर्गत करण्यात येणाऱ्या कामकाजाची पाहणी केली. या वेळी टपाली मतदानाच्या प्रक्रियेचा आढावा आणि निवडणुकीच्या अनुषंगाने करण्यात येणाऱ्या कामकाजाबाबत माहिती घेतली.
