Nashik News: नाशिक: नाशिक (Nashik) शहरात एक धक्कादायक घटना घडली. या घटनेत एक अल्पवयीन मुलगा घराच्या गॅलरीतून थेट खाली पडतो. या घटनेत पीडित मुलगा गंभीर जखमी झाला. हा प्रसंग घराच्या समोर लावलेल्या सीसीटीव्ही (CCTV) कॅमेरात कैद झाला असून सोशल मीडियावर या घटनेचा व्हिडिओ व्हायरल होत आहे.
हेही वाचा- बिल्डरांची मनमानी थांबणार! महारेराचे नवे नियम जाहीर; नियमांचे पालन न केल्यास बिल्डरला थेट दणका
मिळालेल्या माहितीनुसार, नाशिक येथील गंगापूर रोड परिसरात घडली. सुमिप पॅलेस नावाच्या इमारतीत पीडित मुलगा आपल्या आई बाबासोबत राहत आहे. श्रीराज अमोल शिंदे (वय ३ वर्ष) असं पीडितेचे नाव आहे. गंभीर जखमी झालेल्या श्रीराजला तात्काळ खासगी रुग्णालयात दाखल करण्यात आले. सद्या त्याच्यावर रुग्णालयात उपचार सुरु आहे.
नेमकं काय घडलं
श्रीराज संध्याकाळी घरात खेळत होता. अचानक तो गॅलेरीत आला आणि आपल्या मित्रांना आवाज देत होता. गॅलेरीतून डोकावत असताना अचानक त्याचा हात घसरला आणि त्याचा तोल गेला. श्रीराज थेट पहिल्या मजल्यावरून खाली पडला. ता घटनेत तो गंभीर जखमी झाला. त्याचा डोक्याला गंभीर दुखापत झाली. श्रीराजाने आरडाओरड केल्यानंतर त्याच्या आईवडिलांनी त्याचा शोध घेण्यास सुरुवात केली. जखमी श्रीराजला तात्काळ रुग्णालयात दाखल करण्यात आले. त्याची प्रकृती चिंताजनक असल्याची माहिती डॉक्टरांनी दिली आहे. या घटनेनंतर परिसरात एकच खळबळ उडाली आहे.
