Mega block : पुणे : आठवड्याच्या शेवटी पुणे-मुंबई प्रवासाचे नियोजन करत असाल तर तुमच्यासाठी महत्वाची माहिती समोर आली आहे. पुण्यात येत्या शनिवारी आणि रविवारी रेल्वेचा मेगा ब्लॉक असणार आहे. यामुळे रेल्वेने प्रवास करणाऱ्या प्रवाशांना अडचण होऊ शकते. या काळात पुणे ते लोणावळा दरम्यान धावणाऱ्या लोकलच्या ४६ सेवा रद्द केल्या आहेत. त्यामुळे प्रवाशांनी वेळापत्रक पाहूण प्रवास करावा लागणार आहे.
मिळालेल्या माहितीनुसार, खडकी आणि शिवाजीनगर रेल्वेस्थानक या दरम्यान इलेक्ट्रॉनिक इंटरलॉकिंगच्या कामासाठी शनिवार, रविवार विशेष ब्लॉक घेण्यात येणार आहे. त्यामुळे पुणे-मुंबई दरम्यान धावणाऱ्या डेक्कन क्वीन, सिंहगड एक्स्प्रेस, इंटरसिटी, कोयना, डेक्कन एक्स्प्रेस या गाड्या रद्द करण्यात आल्या आहेत.
याचबरोबर लांब पल्ल्याच्या अनेक गाड्या देखील उशिराने धावणार असून, काहीच्या वेळा बदलण्यात आल्या आहेत.
