शिक्रापूर : एका हॉटेल चालक महिलेच्या डोळ्यात मिरचीपूड टाकून दुचाकीवरून आलेल्या चोरट्यांनी मंगळसूत्र हिसकावून नेले. ही घटना रांजणगाव गणपती (ता. शिरुर) येथे घडली. याबाबत ज्योती मारुती मिसाळ (वय ४३ रा. खंडाळे माथा ता. शिरुर जि. पुणे मूळ रा. फडणवीस गल्ली श्रीगोंदा ता. श्रीगोंदा जि. अहमदनगर) यांनी रांजणगाव एमआयडीसी पोलीस ठाण्यात फिर्याद दिली. त्यानंतर पोलिसांनी दोन अज्ञात चोरट्यांवर गुन्हा दाखल केला आहे.
