पिंपरी (पुणे): गणेशोत्सवानिमित्त घरी राहायला आलेल्या मित्रानेच घरात चोरी केल्याची घटना हिंजवडीत समोर आली. मोबाईल, रोख रकमेसह ऑनलाइन १ लाख पैसे ट्रान्सफर करून घेत पोबारा केला. बृहदिष हरीशकुमार (वय २७, रा. बावधन) यांनी या प्रकरणी हिंजवडी पोलीस ठाण्यात फिर्याद दिली आहे. त्यानुसार दीपककुमार राकेशकुमार (वय २८, रा. दिल्ली) याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपी दीपककुमार हा फिर्यादी यांच्या ओळखीचा आहे. तो गणेशोत्सवानिमित्त फिर्यादी यांच्या घरी राहायला आला. त्याने फिर्यादी यांच्या संमतीशिवाय त्यांचा ३० हजार रुपये किमतीचा आयफोन, गाडीची आणि घराची चावी, तसेच कपाटामध्ये ठेवलेले ५० हजार ५०० रुपये रोख रक्कम चोरून नेले. त्यानंतर फिर्यादी यांच्या संमतीशिवाय त्यांच्या फोन पेद्वारे १ लाख रुपये स्वतःच्या बँक खात्यावर ट्रान्सफर करून घेतले. हिंजवडी पोलीस तपास करीत आहेत.
