शिक्रापूर : झाडाला गळफास घेऊन एका इसमाने आत्महत्या केली. सणसवाडी (ता. शिरुर) येथे ही घटना घडली. बाळासाहेब लक्ष्मण नाईकवाडे (वय ५६ रा. आनंदनगर सणसवाडी ता. शिरुर जि. पुणे) असे आत्महत्या केलेल्याचे नाव आहे. याबाबत राम बाळासाहेब नाईकवाडे (वय २२ रा. आनंदनगर सणसवाडी ता. शिरुर जि. पुणे) यांनी शिक्रापूर पोलीस ठाण्यात खबर दिल्याने पोलिसांनी आकस्मात मृत्यूची नोंद केली आहे.
बाळासाहेब नाईकवाडे हे आजारी असल्याने त्यांच्यावर शिक्रापूर येथे उपचार केल्यानंतर त्यांना घरी सोडण्यात आले होते. २५ जून रोजी सायंकाळच्या सुमारास बाळासाहेब यांनी बाहेरुन जाऊन येतो, असे सांगून बाहेर गेले. त्यांनतर रात्रीच्या सुमारास बाळासाहेब यांनी जवळील झाडाला गळफास घेतल्याचे दिसून आले. पुढील तपास सहायक पोलीस उपनिरीक्षक वेरणनाथ मुत्तनवार हे करत आहेत.
