लोणी काळभोर : लोणी काळभोर (ता. हवेली) येथील हिंदुस्तान पेट्रोलियम कॉर्पोरेशन लिमिटेड कंपनीच्या टँकर चालकांनी सोमवार (ता.1) ते बुधवार (ता.३) असे तीन दिवसांचा संप पुकारला होता. मात्र लोणी काळभोर पोलीस ठाण्याचे वरिष्ठ पोलीस निरीक्षक शशिकांत चव्हाण यांच्या हस्तक्षेपामुळे संप टळला असून कंपनीतून पेट्रोल डिझेलचा पुरवठा सुरळीत सुरु आहे.
सरकारने अपघाता विषयी कायदा निर्माण केला आहे. तो म्हणजे एखाद्या ड्रायव्हर चालकाकडून कोणाचा अपघात झाला तर, त्या अपघातासाठी चालकाला दहा वर्षाची शिक्षा आणि सात लाख दंड असा कायदा करण्यात आला आहे. या कायद्यामुळे पेट्रोल पुरवठा करणाऱ्या इंडियन ऑइल, एचपी सी एल, बीबीसीएल या तिन्ही कंपन्यांच्या टँकर चालकांनी संप पुकारला होता. या संपाला प्रतिसाद देण्यासाठी लोणी काळभोर (ता. हवेली) येथील एचपीसीएलच्या टँकर चालकांनीही मोठ्या प्रमाणात प्रतिसाद दिला होता.
चालकांनी दिलेल्या माहितीनुसार, कायदे करणे अतिशय चुकीचे मानले गेले आहे त्यामुळे असले कायदे करून चालणार नाही. कोणताही अपघात हा जाणीवपूर्वक होत नसतो. त्यामुळे आम्ही या कायद्याच्या विरोधात आहोत. या कायदा विरोधात आम्ही तीन दिवस संप करणार आहोत, असे टँकर ड्रायव्हरने सांगितले.
या संपाची माहिती मिळताच, लोणी काळभोर पोलीस ठाण्याचे वरिष्ठ पोलीस निरीक्षक शशिकांत चव्हाण त्वरित पोलिसांचा फौजफाटा घेऊन एचपीसीएल कंपनीत दाखल झाले. शशिकांत चव्हाण यांनी चालकांची समजूत काढून मध्यस्ती केली. हा नियम जो आहे. तो केवळ टँकर चालकांच नाही. तर सर्व चालकांना असणार आहे. या नियमाची अजून अंमलबजावणी झालेली नाही. त्यामुळे सर्व सामान्य नागरिकांना वेठीस धरून नये,असे सांगितले. त्यानंतर चालकांनी संप मागे घेतला. संप घेतल्यानंतर एचपीसीएल कंपनीतून पुन्हा पेट्रोल डिझेलचा पुरवठा सुरळीत सुरु झाला.
यावेळी सहायक पोलीस आयुक्त अश्विनी राऊत, बीपीसीएलचे प्रबंधक दिपायण रॉय, इंडियन ऑइलचे प्रबंधक सुभाष रक्षित, एचपीसीएलचे प्रबंधक अखिल पांडे, पुणे पेट्रोल डीझेल असोसिएशनचे अध्यक्ष ध्रुव रूपरेल, पोलीस उपनिरीक्षक अमित गोरे, पोलीस अंमलदार रामदास मेमाणे व त्यांचे सहकारी मोठ्या संख्येने उपस्थित होते.
दरम्यान, एकंदरीत सर्वत्र राज्यांमध्ये ही खबर मोठ्या प्रमाणात पसरली आहे. मात्र पेट्रोल पंप बंद राहणार नाहीत. अशी माहिती पुढे येत आहे. त्यामुळे नागरिकांनी घाबरू नये.
टँकर चालकांनी संप पुकारला होता. मात्र पोलिसांनी मध्यस्थी केल्यामुळे चालकांनी संप मागे घेतला आहे. सध्या कंपनीतून पेट्रोल डिझेलचा पुरवठा सुरळीत सुरु आहे. त्यामुळे कोणीही अफवांवर विश्वास ठेवू नये.
सुभाष रक्षित (प्रबंधक – इंडियन ऑइल लोणी काळभोर, ता. हवेली)
