सागर जगदाळे
Khadaki Accident – इंदापूर, (पुणे) : – निमगाव केतकी येथे यात्रेसाठी निघालेल्या कुटुंबाचा पुणे – सोलापूर राष्ट्रीय महामार्गावरील खडकी (ता. दौंड) (Khadaki Accident) ग्रामपंचायत हद्दीत झालेल्या अपघातात दोन सख्ख्या भावांचा उपचारादरम्यान दुर्दैवी मृत्यू झाला आहे. तर आई- वडील गंभीर जखमी झाल्याची घटना घडली आहे. या घटनेमुळे निमगाव केतकी (ता. इंदापूर) परिसरात शोककळा पसरली आहे. (Khadaki Accident)
मृत्यू झालेल्यांची नावे
आर्यन संतोष भोसले (वय – १२) याचा गुरुवारी (ता. ०६), तर आयुष संतोष भोसले (वय-८) याचा मंगळवारी (ता. ११) उपचारादरम्यान दुर्दैवी मृत्यू झाला आहे. तर या अपघात वडील संतोष भोसले व आई अश्विनी संतोष भोसले यांनाहि गंभीर दुखापत झाली असून त्यांच्यावर पुण्यातील एका खाजगी रुग्णालयात उपचार सुरु आहेत.
मिळालेल्या माहितीनुसार, निमगाव केतकीतील संतोष एकनाथ भोसले हे आपल्या कुटुंबासह पुण्यात नोकरीनिमित्त स्थायिक होते. निमगाव केतकी येथील केतकेश्वर महाराज यात्रेनिमित्त भोसले कुटुंबीय हे शनिवारी (ता. ०१) पुणे – सोलापूर महामार्गावरून चारचाकी गाडीतून गावी येत होते. भोसले कुटुंबाच्या चारचाकीलामहामार्गावर खडकीनजीक भीषण अपघात झाला होता. यात संतोष भोसले, पत्नी व दोन मुलगे गंभीर जखमी झाली होती.
पुणे येथील खासगी रुग्णालयात त्यांच्यावर उपचार सुरु होते. या उपचारादरम्यान आर्यनचा गुरुवारी तर आयुष मंगळवारी उपचारादरम्यान मृत्यू झाला. पती संतोष व अश्विनी संतोष भोसले हेदेखील गंभीर जखमी झाले आहेत. या अपघातात दोघा सख्ख्या भावांचा मृत्यू झाल्याने गावात हळहळ व्यक्त केली जात आहे.
दरम्यान, संतोष भोसले यांच्यासह तिन्ही अपघातग्रस्तांवर पुण्यातील खासगी रुग्णालयात उपचार सुरू होते. मात्र, उपचारादरम्यान या दोन्ही मुलांचा मृत्यू झाला आहे. यातील आयर्न भोसले हा इयत्ता सातवीमध्ये शिकत होता, तर आयुष भोसले हा तिसरीत शिकत होता. या घटनेने परिसरात हळहळ व्यक्त केली जात आहे
अधिक बातम्या वाचण्यासाठी येथे क्लिक करा :
Accident : सासवडच्या तेल्या भुत्याच्या कावडीच्या बैलगाडीला अपघात ; एक बैल जखमी…!
