-अक्षय टेमगिरे
रांजणगाव गणपती : न्हावराफाटा शिरुर कानिफनाथ मंदिर येथे अज्ञात वाहनाच्या धडकेत 30 वर्षीय महिलेचा मृत्यू झाला असून महिलेची ओळख पटलेली नाही. एक अनोळखी महिला (वय अंदाजे 30 वर्षे) या अपघातात मृत्यू झाला आहे.
सौरभ संतोश महाजन (वय 21 वर्षे व्यवसाय अॅम्ब्युलस चालक रा. महाजनमळा, शिरूर ता. शिरूर जि. पुणे) याने फिर्याद दिली आहे. अज्ञात वाहन चालकावर गुन्हा दाखल करण्यात आला.
पोलिसांनी दिलेल्या माहितीनुसार, मंगळवार (दि. 26 ऑगस्ट) रोजी रात्री 10 वाजण्याच्या सुमारास सदरवाडी गावाजवळ न्हावराफाटा, कानिफनाथ मंदिर येथे अज्ञात वाहनाने एका अनोळखी महिलेस धडक देवुन निघुन गेला. अज्ञात चालकाने स्वतःच्या ताब्यातील वाहन बेजबाबदारपणे भरधाव वेगात चालवून अपघात करून अपघाताची कोणतीही माहिती न देता निघून गेला आहे. अज्ञात वाहनावरील अज्ञात चालकाविरुद्ध गुन्हा दाखल करण्यात आला आहे.
महिलेच्या अंगावर जांभळ्या रंगाचा कूर्त आणी पॅन्ट व हिरव्या रंगाचा स्वेटर महिलेने घातलेला आहे. हातावर कीर्ती नाव गोंदलेले आहे. अज्ञात वाहनावर भारतीय न्याय संहिता कायदा कलमाप्रमाणे गुन्हा दाखल करण्यात आला असून, पुढील तपास पोलीस निरीक्षक ज्योतीराम गुंजवटे यांच्या मार्गदर्शनाखाली पोलीस हवालदार उबाळे करीत आहे.
