लोणी काळभोर : यशवंतराव चव्हाण कला क्रिडा महोत्सवांतर्गत बीट स्तरीय क्रीडा स्पर्धा लोणी काळभोर (ता. हवेली) येथे नुकत्याच पार पडल्या. या स्पर्धेत कदमवस्ती येथील जिल्हा परिषद प्राथमिक शाळेच्या विद्यार्थ्यांनी उंच उडी, बेडूक उडी, लोकनृत्य, बडबड गीत व खो खो स्पर्धेत उत्तुंग भरारी घेऊन घवघवीत यश संपादित केले आहे. त्यामुळे विजेत्या विद्यार्थ्यांचे लोणी काळभोर सह परिसरातील नागरिकांकडून शुभेच्छांचा वर्षाव होत असून भरभरून कौतुक केले जात आहे.
लोणी काळभोर (ता. हवेली) येथील पृथ्वीराज कपूर मेमोरिअल हायस्कूल व ज्युनिअर कॉलेजच्या मैदानात या स्पर्धा पार पडल्या. या स्पर्धा केंद्रप्रमुख राजेंद्र जगताप, केंद्रप्रमुख आशलता कटके, केंद्रप्रमुख चिंतामण अद्वैत यांच्या मार्गदर्शनाखाली पार पडल्या. या स्पर्धेत केंद्रातील सर्व शाळा सहभागी झाल्या होत्या. यावेळी मैदानी व विद्यार्थ्यांच्या कलागुणांना वाव देणाऱ्या अनेक स्पर्धा घेण्यात आल्या आहेत.
या स्पर्धेत कदमवस्ती येथील जिल्हा परिषद शाळेतील विद्यार्थ्यांनी मोठ्या संख्येने सहभागी झाले होते. या स्पर्धेतील उंच उडी या खेळाच्या प्रकारात पुष्कर कागदे या विद्यार्थ्याने प्रथम क्रमांक पटकाविला आहे. बेडूक उडी या स्पर्धेत दिव्या या विद्यार्थिनीने प्रथम क्रमांक मिळविला आहे. तर खो खो- स्पर्धेत शाळेला द्वितीय क्रमांकावर समाधान मानावे लागले आहे. या स्पर्धेतील खेळांमध्ये कदमवस्ती येथील जिल्हा परिषद शाळेने चमकदार कामगिरी केली आहे.
दरम्यान, यशस्वी विद्यार्थ्यांना शाळेच्या मुख्याध्यापिका कामिनी जगधने, नवनाथ पानमंद, नजमा तांबोळी, सीमा साबळे, महेश पवार, सचिन कराड, प्रियांका लामतुरे, सोनाली खंडाळे यांचे बहुमुल्य मार्गदर्शन मिळाले आहे. प्रथम क्रमांक मिळविलेल्या संघांची निवड तालुकास्तरीय स्पर्धेसाठी झाली आहे. त्यामुळे शाळेच्या शिक्षकांचे व विजेत्या विद्यार्थ्यांचे लोणी काळभोरसह परिसरातील नागरिकांकडून भरभरून कौतुक होत आहे. सांघिक संघामध्ये विजयी झालेल्या विद्यार्थ्यांची व खेळांची नावे पुढीलप्रमाणे आहेत.
1) लोकनृत्य स्पर्धा – प्रथम क्रमांक
आरोही कुसाळकर, अंजली साबळे, श्रावणी धांडे, ज्ञानेश्वरी खेडकर, प्रतिज्ञा शिंदे, समाइरा शेख, समृद्धी दोडके, स्वरा चव्हाण, आराध्या सावंत, आदिती मोहिते
2) बडबड गीत – प्रथम क्रमांक (इयत्ता दुसरीतील मुली)
रिया सुदर्शन कागदे, दिव्या दिपक सुरनर, माहेश्वरी संजय धायगुडे, शेजल विशाल उबाळे, शनाया सुनील साबळे, शर्वरी पवनकुमार बनसोडे, वेदिका परमेश्वर गायकवाड, प्रणाली सदानंद लेमाडे, केतकी राहुल शिंदे, दुर्वा राहुल मेरे
