Indapur News : मालोजीराजे औद्योगिक प्रशिक्षण संस्था, इंदापूर येथील प्रमुख लिपिक अनमोल शिवाजी शिंगे (वय 53) यांना लाचलुचपत प्रतिबंधक विभागाच्या पथकाने आज, 24 नोव्हेंबर रोजी 2 हजार रुपयांची लाच स्वीकारताना रंगेहात पकडले. या प्रकरणी इंदापूर पोलीस ठाण्यात गुन्हा दाखल करण्याची प्रक्रिया सुरू आहे.
तक्रारदार हे त्याच संस्थेत वसतीगृह अधीक्षक म्हणून कार्यरत आहेत. त्यांचे जुलै, ऑगस्ट आणि सप्टेंबर 2025 या तीन महिन्यांचे वेतन प्रलंबित होते. हे थकीत वेतन काढून देण्याच्या मोबदल्यात आरोपी शिंगे यांनी 3 हजार रुपये लाचेची मागणी केली होती. लाच न दिल्यास पुढील कामकाजात अडथळे आणण्याची धमकीही त्यांनी दिली, अशी तक्रार तक्रारदाराने 19 नोव्हेंबर रोजी लाचलुचपत प्रतिबंधक विभागाकडे केली होती.
दरम्यान त्या दिवशीच करण्यात आलेल्या पडताळणीदरम्यानही आरोपीने तक्रारदाराकडे 2 हजार रुपयांची मागणी करत लाच स्वीकारण्याची समोर आलं. यानंतर आज तक्रारदाराने दिलेले 2 हजार रुपये आरोपी शिंगे यांनी संस्थेच्या कार्यालयात दुपारी 2.48 वाजता स्वीकारताच एसीबी पथकाने त्यांना रंगेहात पकडत जेरबंद केले. ही कारवाई पंचासमक्ष पार पडली.
ही कारवाई पोलीस उपआयुक्त/अधीक्षक शिरीष सरदेशपांडे यांच्या मार्गदर्शनाखाली, अपर पोलीस अधीक्षक अजित पाटील व अर्जुन भोसले, पी आय अविनाश परबुडे यांनी केली. पीआय सुहारा हट्टेकर यांनी केली.
