Loni Kalbhor News लोणी काळभोर, ता. ७ : हळदीच्या आनंदी वातावरणात अचानक झालेल्या वादामुळे एका तरुणाच्या डोक्यात दगड मारून जखमी केल्याची घटना घडली आहे. हि घटना कदमवाकवस्ती (ता. हवेली) ग्रामपंचायत हद्दीतील घोरपडेवस्ती परिसरात सोमवारी (ता.4) रात्री अकरा वाजण्याच्या सुमारास घडली आहे. या प्रकरणी लोणी काळभोर पोलीस ठाण्यात एकावर गुन्हा दाखल करण्यात आला आहे. Loni Kalbhor News
साहील रवि दगडे (रा.राधाई मच्छी मार्केटजवळ, घोरपडेवस्ती, कदमवाकवस्ती, ता. हवेली) असे गुन्हा दाखल करण्यात आलेल्या आरोपीचे नाव आहे. याप्रकरणी सागर संतोष माने (वय २०, रा. संभाजीनगर, कदमवाकवस्ती, ता. हवेली) यांनी लोणी काळभोर पोलीस ठाण्यात तक्रार दिली आहे. Loni Kalbhor News
पोलिसांनी दिलेल्या माहितीनुसार, सागर हा ब्लिंकिट कंपनीमध्ये डिलिव्हरी बॉय म्हणून काम करत असून, कुटुंबासह कदमवाकवस्ती येथे वास्तव्यास आहे. सागर माने हे आपल्या कुटुंबीयांसह नातेवाईक सुशांत दगडे यांच्या भावाच्या हळदी समारंभासाठी घोरपडेवस्ती येथे ४ मे रोजी रात्री सुमारे ११ वाजण्याच्या सुमारास गेले होते. कार्यक्रम सुरू असताना सागरचा लहान भाऊ करण हा नाचगाणे पाहत बसला होता. त्यावेळी एका नातेवाईकाच्या मुलाने त्याला विनाकारण मारहाण केली.
याबाबत विचारणा करण्यासाठी सागर त्या तरुणाकडे गेला असता दोघांमध्ये वाद सुरू झाला. त्याचवेळी साहील दगडे हा तेथे आला. कोणतीही चौकशी न करता त्याने जवळ पडलेला दगड उचलून सागरच्या दिशेने फेकला. हा दगड सागरच्या डोक्याला लागल्याने तो जखमी झाला. तसेच “पुन्हा बाहेर दिसलास तर सोडणार नाही,” अशी धमकी दिली आहे.
दरम्यान, घटनास्थळी उपस्थित नातेवाईकांनी तातडीने हस्तक्षेप करत वाद मिटवण्याचा प्रयत्न केला. त्यानंतर जखमी सागर माने यांनी लोणी काळभोर पोलीस ठाण्यात धाव घेत तक्रार दाखल केली. पोलिसांनी आरोपीविरोधात भारतीय न्याय संहिता (BNS) २०२३ अंतर्गत विविध कलमान्वये गुन्हा दाखल केला असून पुढील तपास सुरू आहे.
