यवत : केडगाव येथील अवचट कुटुंबीयातील हरिष सुनील अवचट (Harish Avachat) यांना श्री जगदीश प्रसाद झाबरमल टिबरेवाला युनिव्हर्सिटी, राजस्थान या विद्यापीठातून इलेक्ट्रिकल इंजीनियरिंग (Electrical Engineering) या विषयात पी. एचडी प्रदान करण्यात आली.
हरिष अवचट यांनी प्राथमिक शिक्षण केडगाव येथे घेतले. तर त्यांचे ५ वी ते १२ वी पर्यंतचे शिक्षण खुटबाव येथील भैरवनाथ विद्यालय येथे झाले आहे. या संशोधनासाठी डॉ.भारत गुप्ता याचे बहुमूल्य मार्गदर्शन लाभले असल्याचे हरिष अवचट यांनी सांगितले.
अवचट हे सध्या काष्टी येथील नामांकित परिक्रमा शैक्षणिक संकुल या ठिकाणी प्राध्यापक पदावर कार्यरत आहेत. पी.एच.डी पदवी प्राप्त केल्याबद्दल हरिष अवचट यांचे केडगाव व यवत परिसरात यांचे कौतुक होत आहे
