पुणे : सणासुदीच्या काळात सोन्याचे दर गगनाला भिडले असून, या आठवड्याच्या शेवटीही सोन्यातील (Gold Rate) वाढ कायम आहे. गणेशोत्सव, नवरात्रोत्सव, दसरा, या तिन्ही सणांपासून सोन्याचे दर वाढतच चालले आहेत. आजही हे दर कायम असून, सर्वसामान्यांसाठी हा मोठा धक्का मानला जात आहे.
सराफ बाजारात आज सोन्याची किंमत 681 रुपयांनी वाढली असून, प्रति 10 ग्रॅम सोने 1,17,464 रुपयांवर व्यवहार करत आहे. जर आपण 22 कॅरेट सोन्याच्या दराबद्दल बोललो तर 10 ग्रॅमची किंमत 1,08,640 रुपये आहे. तर 24 कॅरेट सोन्याचा दर प्रति 10 ग्रॅमनुसार 1,18,520 रुपये इतका आहे. मागील काही दिवसांपासून आज सोने किंचित स्वस्त असले तरीदेखील ते अद्याप सर्वसामान्यांच्या आवाक्याबाहेरच आहे. दुसरीकडे चांदीची चकाकी देखील कायम आहे. आज एक किलो चांदीची किंमत 1,51,900 रुपये अशी आहे.
दरम्यान, दिवाळी आणि त्यानंतर सुरू होणाऱ्या लग्नसराईच्या काळात सोन्याचे दर आणखी वाढण्याची शक्यता तज्ञांकडून वर्तवली जात आहे.
पुण्यात सोने-चांदीचे दर काय?
24 कॅरेट
प्रति 10 ग्रॅम : 118,040 रुपये
22 कॅरेट
प्रति 10 ग्रॅम : 1,08,650 रुपये
18 कॅरेट
प्रति ग्रॅम : 88,477.5 रुपये
चांदी किती रुपयांवर?
आज पुण्यात एक किलो चांदीची किंमत 1,61,000 रुपये अशी आहे.
