Pune Crime News : पुण्यातून एक संतापजनक घटनासमोर येत आहे. पुण्यातील बालसुधारगृहात एका अल्पवयीन मुलावर तीन कुख्यात आरोपींनी सामूहिक लैंगिक अत्याचार केल्याची धक्कादायक घटना घडली आहे. या प्रकरणी येरवडा पोलीस ठाण्यात आरोपींविरोधात गुन्हा दाखल करण्यात आला आहे.
मिळालेल्या अधिक माहितीनुसार, पुण्यातील बालसुधारगृहात ही घटना घडली असून अल्पवयीन मुलावर तिघा कुख्यात आरोपींनी लैंगिक अत्याचार केल्याची घटना उघडकीस अली आहे. पीडित मुलगा हा सांगली जिल्ह्यातील मिरजगाव येथील रहिवाशी आहे. त्याला बालसुधारगृहात ठेवण्यात आला होते.
दरम्यान, याच बालसुधारगृहातील इतर तीन आरोपींनी या मुलावर लैंगिक अत्याचार केला आहे. बालसुधारगृहातच ही घटना घडल्याने एकाच खळबळ उडाली आहे. हे कृत्य करणाऱ्या तिन्ही आरोपींवर वेगवेगळे गुन्हे दाखल असून सध्या बालसुधारगृहात आहेत. यांच्याविरोधात येरवडा पोलीस ठाण्यात अनैसर्गिक अत्याचार, खुनाचा प्रयत्न आणि मारहाण केल्याप्रकरणी गुन्हा दाखल नोंदवण्यात आला आहे.
