हनुमंत चिकणे
Uruli Kanchan News उरुळी कांचन, (पुणे) : पुणे सोलापूर महामार्गाच्या शेजारी हॉटेलच्या बाहेर लावलेल्या एका चारचाकी गाडीची काच फोडून तब्बल अंदाजे २२ तोळे सोन्याचे दागिने व १ लाख रुपये रोख रक्कम अज्ञात चोरट्यांनी चोरून नेल्याची घटना घडली आहे. उरुळी कांचन (ता. हवेली) ग्रामपंचायत हद्दीतील गारवा हॉटेलच्या बाहेर शनिवारी (ता. २७) रात्री दहा वाजण्याच्या सुमारास हि घटना घडली आहे. (From Uruli Kanchan, 22 tola gold and 1 lakh rupees in cash, which is worth about 13 lakh rupees.)
लोणी काळभोर पोलीस ठाण्यात गुन्हा दाखल…
याप्रकरणी लोणी काळभोर पोलीस ठाण्यात अज्ञात चोरट्यांच्या विरोधात गुन्हा दाखल करण्याचे काम सुरु आहे.
मिळालेल्या माहितीनुसार, सदरची व्यक्ती व त्यांचे कुटुंबीय कर्नाटक या ठिकाणी असलेल्या मंगरूळ या ठिकाणी गेले होते. देवदर्शन करून परत कर्नाटकवरून मुंबई या ठिकाणी निघाले होते. (Uruli Kanchan News)यावेळी उरुळी कांचन येथील गारवा हॉटेल या ठिकाणी रात्री साडेनऊ वाजण्याच्या सुमारास जेवणासाठी थांबले होते. जेवण करून गाडीजवळ आले असता सदर गाडीची पाठीमागील काच हि फुटलेल्या अवस्थेत दिसून आली.
दरम्यान, यावेळी तात्काळ पाठीमागील गाडीचा दरवाजा उघडून पहिले असता गाडीत ठेवलेले २२ तोळे सोन्याचे दागिने व एक लाख रुपये रोख रक्कम असा मुद्देमाल आढळून आला नाही. (Uruli Kanchan News)सदर घटनेचा पंचनामा करून गुन्हा दाखल करण्याचे काम लोणी काळभोर पोलीस ठाण्यात सुरु आहे.
अधिक बातम्या वाचण्यासाठी येथे क्लिक करा :
