पुणे : पुण्यातील लोणीकंद फेसबुकवर महिलेचा फोटो अपलोड करुन त्यावर अश्लील कमेंट करुन विनयभंग केल्याचा धक्कादायक प्रकार उघडकीस आला आहे. हा प्रकार २९ फेब्रुवारीला सकाळी साडेदहा वाजण्याच्या सुमारास घडला आहे. याबाबत लोणीकंद पोलिसांनी महिलेच्या पतीच्या मित्राविरोधात गुन्हा दाखल केला आहे. याबाबत वाघोली येथे राहणाऱ्या महिलेने लोणीकंद पोलीस ठाण्यात फिर्याद दिली आहे. यावरून महादेव सुरवसे (रा. भोसा ता. मुरुड जि. लातुर) याच्यावर गुन्हा दाखल केला आहे.
पोलिसांनी दिलेल्या माहितीनुसार, आरोपी महादेव सुरवसे हा फिर्यादी यांच्या पतीचा मित्र असल्याने एकमेकांच्या ओळखीचे आहेत. आरोपीने फिर्यादी यांच्या पतीला शिवीगाळ केली. गुरुवारी सकाळी दहाच्या सुमारास आरोपीने त्याच्या मोबाईलवरून फेसबुक वर मित्राच्या पत्नीचा फोटो अपलोड केला.
तसेच तो फोटो व्हायरल करुन अश्लील कमेंट करुन फिर्यादी यांच्या स्त्री मनास लज्जा उत्पन्न होईल असे वर्तन केले. फिर्यादी यांना या प्रकारची माहिती मिळताच त्यांनी लोणीकंद पोलीस ठाण्यात धाव घेत फिर्याद दिली असून पुढील तपास महिला पोलीस निरीक्षक गुन्हे सीमा ढाकणे करत आहेत.
