पुणे : आज दि. १४ जुलै रोजी दुपारी २.५६ वाजता पदमावती येथे विणकर सभागृहाजवळ रस्त्यावर उभ्या असणाऱ्या चारचाकी वाहनाने पेट घेतल्याची वर्दि मिळताच काञज अग्निशमन केंद्र येथून अग्निशमन वाहन घटनास्थळी दाखल झाले.
रस्त्यावर उभ्या असलेल्या वाहनाच्या पुढील भागाकडे आगीच्या ज्वाळा निघत होत्या तर मागील बाजूस इंधनाची ही गळती होत असल्याचे निदर्शनाs आले. अग्निशमन दलाने तातडीने आगीवर पाण्याचा मारा सुरू करत आग आटोक्यात आणण्याचा प्रयत्न केला व त्याचवेळी फोमचा वापर करुन सुमारे दहा मिनिटात पुर्ण आग विझवत धोका दूर केला. सदर वाहन हे फोर्ड कंपनीचे असून डिझेल वापरातील आहे. या घटनेत सुदैवाने कोणी जखमी वा कोणत्याही प्रकारची जीवित हानी झाली नाही.
या कामगिरीत अग्निशमन अधिकारी प्रदिप खेडेकर, वाहन चालक गणेश भंडारे, फायरमन पंकज इंगवले, निलेश राजीवडे, अभिषेक खाटपे, योगेश कुंभार, विनायक घागरे यांनी सहभाग घेतला.
