पुणे : पुण्यात मित्रासोबत शारीरिक संबंध ठेवण्यास भाग पाडून तरुणीचा नकळत व्हिडीओ कडून व्हायरल करण्याची धमकी देऊन खंडणी मागितल्याचा धक्कादायक प्रकार समोर आला आहे. इन्स्टाग्रामवर ओळख झालेल्या तरुणीला हॉटेलमध्ये बोलावून घेऊन तिच्या सोबत जबरदस्तीने शारीरिक संबंध प्रस्थापित केले.
तसेच मित्रासोबत शारीरिक संबंध ठेवण्यास भाग पाडून तरुणीचा नकळत व्हिडीओ तयार केला. त्यानंतर व्हिडीओ व्हायरल करण्याची धमकी देऊन १० लाख रुपयांची खंडणी मागितली. या प्रकरणी एका तरुणाला शिवाजीनगर पोलिसांनी अटक केली आहे. हा प्रकार डिसेंबर २०२३ ते २२ एप्रिल २०२४ या कालावधीत वेगवेगळ्या हॉटेलमध्ये घडला.
याप्रकरणी ३४ वर्षीय महिलेने शिवाजीनगर पोलीस ठाण्यात फिर्याद दिली आहे. त्यावरून केतन महादेव चौघुले (वय-३३ रा. मु.पो. कागल, ता. कागल, जि. कोल्हापूर) आणि त्याचा मित्र शेखर (पूर्ण नाव पत्ता माहित नाही) यांच्यावर गुन्हा दाखल केला आहे. पोलिसांनी आरोपी केतन चौघुले याला पुण्यातून अटक केली आहे.
पोलिसांनी दिलेल्या माहितीनुसार, पीडित महिला नोकरी करते. तर आरोपी केतन काहीच कामधंदा करत नाही. आरोपी केतन आणि फिर्य़ाद यांची डिसेंबर २०२३ मध्ये इन्स्टाग्रामवर ओळख झाली. त्यानंतर आरोपीने पीडितेला मेसेज आणि कॉल करुन वेगवेगळ्या हॉटेलमध्ये बोलावून घेतले. त्याठिकाणी तिच्यासोबत जबरदस्तीने शारीरिक संबंध ठेवले.
त्यानंतर आरोपीने त्याचा मित्र शेखर याच्यासोबत जबरदस्तीने शारीरिक संबंध ठेवण्यास तरुणीला भाग पाडले. त्यावेळी आरोपीने संबंध ठेवतानाचा व्हिडीओ फिर्यादी यांना नकळत त्याच्या मोबाईलमध्ये काढला. केतन याने पीडित तरुणीला फोन करुन काढलेला अश्लील व्हिडीओ व्हायरल करण्याची धमकी देऊन १० लाख मागितले. पैसे दिले नाही तर तुझे अश्लील व्हिडीओ व्हायरल करण्याची धमकी देऊन शिवीगाळ केली. केतन याने फिर्यादीकडे जाऊन पैशांची मागणी केली, असे फिर्यादीत म्हटले आहे. पुढील तपास पोलीस करत आहेत.
