राहुलकुमार अवचट
यवत : यवत येथे अनेक ठिकाणी महामार्गाच्या शेजारीच वहातुकीला अडथळा निर्माण करणारे फ्लेक्स पाटस टोल प्रशासन येथील महाराष्ट्र सुरक्षा बल यांच्या पथकाने काढत कारवाई केली.
पुणे – सोलापूर महामार्गाशेजारी असलेल्या सेवा रस्त्यावर जिल्हा परिषद शाळेच्या मुख्य प्रवेशद्वारा जवळ दोन फ्लेक्स लावण्यात आले होते. या भागात मुलांची, मुलांना सोडण्यास येणाऱ्या पालकांची वर्दळ मोठ्या प्रमाणातअसते.
त्याबरोबरीने हडपसर – वरवंड बस, गावातून येणारे ट्रक, ट्रॅक्टर, दुचाकी, चारचाकी यांची देखील ये – जा सातत्याने सुरु असते. मुख्य चौकातच हे फ्लेक्स लावल्याने वाहतुकीला मोठ्या प्रमाणात अडथळा येत होता.
आज सकाळी हे फ्लेक्स महाराष्ट्र सुरक्षा बल यांच्या पथकाने काढून कारवाई केली असुन यापुढे वाहतूकीला अडथळा निर्माण करणाऱ्या फ्लेक्सवर कारवाई सुरु राहील असे सांगितले.
