शिक्रापूर : दरेकरवाडी (ता. शिरूर) येथील चार शेतकऱ्यांच्या पाच एकर उसाला अचानकपणे भीषण आग लागून लाखो रुपयांचे नुकसान झाल्याची घटना घडली. मात्र, नागरिकांच्या सतर्कतेने आग विझवण्यात यश आल्याने दुर्घटना टळली आहे.
दरेकरवाडी (ता. शिरुर) येथील अशोक भोसले यांच्या शेतातील ऊसाला सायंकाळच्या सुमारास अचानक आग लागली, दरम्यान आगीचे लोळ शेजारील शेतकऱ्यांच्या शेतामध्ये गेल्याने यावेळी अशोक भोसले यांच्यासह नंदकुमार भोसले, कैलास भोसले, किसन दरेकर यांच्या शेताला देखील आग लागली. यावेळी शेतकऱ्यांसह पोलीस पाटील पांडूरंग दरेकर, निखील भोसले, महादेव दरेकर, महेश भोसले यांसह आदींनी पाणी, झाडांच्या व मातीच्या सहाय्याने आग विझवण्याचे प्रयत्न सुरु केले असता तब्बल एका तासाने आग विझवण्यात नागरिकांना यश आले. ही आग नेमकी कशाने लागली, हे स्पष्ट झाले नाह. मात्र आगीमध्ये चार शेतकऱ्यांचे लाखो रुपयांचे नुकसान झाले.
