पुणे : पुणे-सोलापूर महामार्गावर कदमवाकवस्ती परिससरतील टोलनाका परिसरात दुचाकीने टेम्पोला पाठीमागून दिलेल्या धडकेत एकजण गंभीर जखमी झाल्याची घटना घडली आहे. शनिवारी (ता. ०२) दुपारी तीन वाजण्याच्या सुमारास ही घटना घडली आहे.
मिळालेल्या माहितीनुसार, पुणे सोलापूर महामार्गावरून दोघेजण सोलापूर च्या बाजूने निघाले होते. यावेळी एका दुचाकीने अपघातग्रस्त दुचाकीला कट मारला यावेळी अपघातग्रस्त दुचाकीवरील दोघेजण महामार्गावर पडले. यावेळी जखमीला तत्काळ खाजगी रुग्णालयात दाखल करण्यात आले आहे.
दरम्यान, घटनास्थळी बघ्यानी मोठी गर्दी केली होती. यावेळी सोलापूरच्या दिशेने जाणारी वाहतूक मोठ्या प्रमाणावर खोळंबली होती. या अपघातात सदर व्यक्तीच्या डोक्याला व हाताला गंभीर दुखापत झाली असल्याचे प्राथमिक निदर्शनास आले.
