पुणे : मुक्या प्राण्यांनाही भावना असतात. त्यांनाही प्रेम करता येते. माणसं कितीपत नाती जपतात. हा खर तर संशोधनाचा विषय होऊ शकतो. पण त्याआधी आपण एका कुत्र्याचा आणि गायीचा व्हिडिओ पाहिला आहे काय ? मुक्या प्राण्यांच्या अनोख्या प्रेमाचे दर्शन पाहून शेतकऱ्यालाही त्यांना एकमेकांपासून तोडतााना जीवावर आले. त्याने घेतलेल्या निर्णयाचे खरे तर कौतुकच आहे.
व्हिडिओ पाहण्यासाठी येथे क्लिक करा :
एका गायीचा आणि कुत्र्याचा व्हिडिओ सोशल मीडियावर व्हायरल होत आहे. हा व्हिडिओ पाहून आपल्याही डोळ्यात पाणी येईल. एका शेतकऱ्याने गाय विकली होती. नव्या मालकाने गाय घेवून जाण्यासाठी टेम्पो आणला. त्यात गायीला घालून घेऊन जात आहेत. परंतू ते कुत्र्याला पाहवत नाही. शेतकऱ्याची गाय होती त्या शेतकऱ्याच्या कुत्र्याने या टेम्पोचा जवळपास सात किलोमीटर पाठलाग केला.
ज्यावेळी टेम्पो थांबला त्यावेळी कुत्र्याने टेम्पोत झेप घेण्याचा प्रयत्न केला आणि अखेर टेम्पोत गेला. त्यानंतर गायीने या कुत्र्याला तोंडाने गोंजारल्याचं दिसत आहे. त्या दोघांचे प्रेमाचे अतुट बघून शेतकरी देखील गहीवरला. त्यानंतर त्या व्यक्तीने ही गाय शेतकऱ्याला परत केल्याची माहिती आहे.
हा व्हिडिओ पाहून कोणाच्याही डोळ्यात पाणी आल्याशिवाय राहणार नाही. त्यामुळे सोशल मीडियावर सध्या हा व्हिडिओ चांगलाच व्हायरल होत आहे. प्राण्यांच्या प्रेमाचं अतूट नातं शेतकऱ्यांनी जवळून पाहिलेलं असतं पण या कुत्र्याचं आणि गायीच्या अतूट नात्याचं दर्शन या व्हिडिओमुळे नेटकऱ्यांना झालं आहे. अखेर या नात्याचा विजय झाला.
या व्हिडिओवर नेटकऱ्यांनी आपल्या प्रतिक्रिया व्यक्त केल्या असून लाईक केलं आहे. सोशल मीडियावर व्हायरल होणारे व्हिडिओ आपल्याला खूप काही शिकवून जात असतात.
सोशल मीडियावर अनेक मजेशीर व्हिडिओ व्हायरल होत असतात. त्यामध्ये विनोदी व्हिडिओ, डान्स व्हिडिओ, लग्नातील व्हिडिओ अशा वेगवेगळ्या प्रकारच्या व्हिडिओचा सामावेश असतो. सध्या सोशल मीडिया हे तरूणांच्या मनोरंजनाचे साधन बनले आहे.
