दौंड: दौंड येथील जिल्हा परिषदेच्या बांधकाम विभागात एकाच वेळी एकाच कामासाठी तीन वेगवेगळ्या अधिकार्‍यांना लाच घेतांना पकडण्यात आल्याची घटना समोर आली आहे. कार्यकारी अभियंता बाबुराव कृष्णा पवार, उपअभियंता दत्तात्रेय भगवानराव पठारे आणि कनिष्ठ अभियंता अंजली प्रमोद बगाडे अशी अशी लाच घेणाऱ्या आरोपींची नावे आहेत. तिघेही अभियंता दौंड येथील जिल्हा परिषदेच्या बांधकाम विभागात कार्यरत आहेत. शासकीय ठेकेदाराने याबाबत तक्रार दिली असता पोलीस निरीक्षक रुपेश जाधव यांनी केलेल्या तपासात हे प्रकरण समोर आले आहे. दोषी आढळलेल्या तिघांविरुद्ध बंडगार्डन पोलीस ठाण्यात गुन्हा दाखल करण्यात आला आहे.
काय आहे संपूर्ण प्रकरण:
शासकीय ठेकेदार आलेल्या तक्रारदार यांनी या दोन कामाची वर्कऑर्डर मिळाली होती. दरम्यान, वर्कऑर्डर पूर्ण झाल्यानंतर 3 मार्च 2025 रोजी कनिष्ठ अभियंता अंजली बगाडे यांनी कामाच्या ठिकाणी जाऊन केलेल्या कामाची पाहणी करुन अहवाल देणार असल्याचे सांगितले, दरम्यान, पुणे जिल्हा परिषदेकडील एस क्यु एम कमिटी यांनी केलेल्या प्रत्येक कामासाठी 7 हजार रुपये अशी 14 हजार रुपयांची लाच मागितली. तक्रारदाराच्या बिलाची फाईल तयार करुन मंजुरीसाठी ऑनलाईन सादर करण्यासाठी 80 हजार रुपयांची लाच मागितली. नंतर दत्तात्रेय पठारे यांनी केलेल्या कामाची फाईन वरिष्ठ अधिकारी कार्यकारी अभियंता बाबुराव पवार याच्याकडे पाठविण्यासाठी पुन्हा 80 हजार रुपयाची मागणी केली. दरम्यान, बाबुराव पवार यांना पुढील कामासाठी भेटले असता त्यांनीही 80 हजार रुपयांची मागणी केली. दरम्यान, सुरु असलेला प्रकार पाहता तक्रारदाराने 10 मार्च रोजी लाच लुचपत प्रतिबंधक विभागाकडे याबद्दल तक्रार केली. तक्रारीच्या अनुषंगाने ११ मार्च रोजी या तिघांकडे पंचासमक्ष लाच मागणी पडताळणी केली असता तिघांनी लाचेची मागणी केल्याचे निष्पन्न झाले.
वेगवेगळ्या कामासाठी लाच म्हणून घेतलेले पैसे म्हणून बाबुराव पवार याच्या कार्यालयातील एका बॅगेत ८ लाख ५८ हजार ४०० रुपयांची रोख रक्कम मिळाली असून लाच लुचपत प्रतिबंधक विभागाने ती जप्त केली आहे. पोलीस अधीक्षक शिरीष सरदेशपांडे, अपर पोलीस अधीक्षक डॉ. शीतल जानवे यांच्या मार्गदर्शनाखाली ही कारवाई करण्यात आली.
