पुणे: पुणे मनपाने शनिवार पेठेतील एका ज्येष्ठ नागरिकाला तब्बल 10 लाख 76 हजार 59 रुपयांचे पाणीपट्टीचे बिल थकीत पाठवले आहे. गोविंद मोरे (वय-७५) असे जेष्ठ नागरिकाचे नाव आहे.शनिवार पेठेत नागरिकांना मीटरने पाणीपुरवठा केला जातो. दरम्यान, गोरे यांना चक्क १० लाख ७६ हजार ५९ रुपयांचे बिल थकीत असल्याचा मेसेज आला. मेसेज पाहिल्यानंतर या चुकीच्या बिलाबद्दल जेष्ठ नागरिक गोरे यांनी महापालिकेच्या पाणीपुरवठा विभागाकडे तक्रार केली होती. परंतु पुणे महापालिकेच्या पाणीपुरवठा विभागाकडून कोणतीही दाखल न घेता कोणताही सकारात्मक प्रतिसाद देण्यात आला नसल्याचे गोरे यांनी सांगितले आहे.
पुणे महापालिकेच्या पाणीपुरवठा विभागाने गोरे यांच्या मोबाईल क्रमांकावर पाठवलेल्या चुकीच्या ज्येष्ठ नागरिकाची झोप उडाली आहे. दरम्यान, गोरे यांना उच्च रक्तदाबाचा त्रास असून बिल पाहून त्यांना रक्तदाबाचा त्रास होत आहे. दर महिन्याला साधारण शंभर ते दोनशे रुपयांच्या दरम्यान पाण्याचे बिल त्यांना येते. गोरे यांनी सांगितले कि, नाव दुसऱ्या व्यक्तीचे असून नंबर माझा आहे. तक्रार दाखल करूनही माझा क्रमांक बल्ण्यात आला नाही. मी नियमित पाणीपट्टी भरतो मग इतके बिल आले कसे असा सवाल त्यांनी उपस्थित केला आहे. दरम्यान, गोरे यांनी केलेल्या तक्रारीची दाखल घेतली जाईल हे पाहणे महत्वाचे ठरणार आहे.
