पुणे : पुण्यात ड्रिंक अँड ड्राईव्हमुळे होणा-या अपघातांच्या संख्येत वाढ होत आहे. पुण्यात आणखी एक असाच प्रकार समोर आला आहे. या प्रकरणात एक पिकअप चालकाने मद्यधुंद अवस्थेत गाडी चालवत 4 ते 5 वाहनांना धडक दिल्याची माहिती मिळत आहे. या घटनेत पाच ते सहा जण जखमी झाले आहेत. जखमी झालेल्यांना उपचारासाठी रुग्णालयात दाखल करण्यात आलं आहे.
आशिष पवार असे चालकाचे नाव आहे.
या घटनेसंदर्भात मिळालेल्या माहितीनुसार, पुण्यातील करिष्णा चौक ते पौड फाटा या रस्त्यावर रात्री 11 वाजता ही घटना घडली आहे. एका मद्यधुंद अवस्थेत असणा-या चालकाने त्याच्याकडील पीकअपने 4 ते 5 वाहनांना धडक दिली. अपघातातील वाहन-टेम्पो नंबर MH 12 UM 7821याने एक चारचाकी, तीन दुचाकी आणि एका रिक्षाला धडक दिली आहे.
या चालकाला पोलीसांनी ताब्यात घेतले असून त्याच्यावर गुन्हा दाखल करण्यात आला आहे. या घटनेनंतर घटनास्थळी उपस्थित असलेल्या नागरिकांनी पिकअप चालकाला पकडलं आणि बेदम चोप दिला आहे.
